Isesengura — Page 2

Aho Abanyapolitiki b’Amasugi n’Abarata Inkovu z’Imiringa Bashobora Kwumvikana?

February 7, 2014 By Simeon Leave a Comment

IBIGANIRO BYA POLITIKI HAGATI YA ZA GENERATIONS

Ibiganiro hagati ya za mouvances politiques muri opposition nyarwanda no hagati y'abanyapolitiki b’amasugi ba nyuma ya 1994 hamwe n'abayijanditsemo mbere ya 1994.

Banyarwanda, Banyarwandakazi,
Jye nk'umukuru w'Ishyaka Banyarwanda, maze gusoma ibyo Nyakubahwa Tulikumana Jean de Dieu yatangaje yikoma amwe mu mashyaka ya New generation aherutse kunenga imikorere ya generation y'abasaza nka Twagiramungu Faustin irangwa no gusuzugurana no guheza, ndareba nkasanga muri opposition hakwiriye kuba ibiganiro bisesuye hagati ya za generations. Ibi biganiro bikwiriye kuba kunzego zose kandi bikaba hakoreshejwe uburyo bwose bukoreshwa muri communication ya opposition politique nyarwanda. Ibi biganiro hagati ya za generation bishobora no kubaho hagati y'imirongo ya politiki kugirango imbibi zitandukanya bamwe ziveho maze batahirize umugozi umwe.

Nyakubahwa Tulikumana Jean de Dieu n'ubwo yatangaje ibintu biremereye cyane yikoma amashyaka ya New generation ariko na none agize ubutwari bwo gushinga imbago zerekana za generations zikwiriye kuganira. Kuri Tulikumana Jean de Dieu, hari generation y'abarengeje imyaka mirongo itanu hakaba n'indi generation y'abari munsi yayo. Iyo witegereje, usanga ibi bijyana no kubona ko hari generation y'abanyapolitiki bari bari bakomeye muri politiki ya mbere ya 1994. Ukurikije ibyo rubanda isoma muri opposition nyarwanda y'ubu hamwe n'ibyo Jean de Dieu Tulikumana yatangaje, usanga iyo generation ya mbere ya 1994 isa n'ihanganye bucece na generation y'abaje muri politiki nyuma ya 1994 no muri iyi myaka.

Turasanga rero kugirango iri hangana ryacika burundu ari uko habaye ibiganiro hagati ya za generations. Turasanga kandi uburyo bwiza bwo gukora ibyo biganiro, buri shyaka (cyangwa itsinda ry'amashyaka) ryasobanura umurongo cyangwa umuyoboro w'ibitekerezo ririmo cyangwa mouvance ririmo noneho buri ishyaka (cyangwa itsinda ry'amashyaka asangiye umurongo) bakagira icyo batangaza kuri iki kibazo cya dialogue hagati ya za generations. Mukugaragaza imirongo ya politiki cyangwa za mouvance abantu barimo babikora baboneraho no kugaragaza aho bahagaze kubibazo bimeze nk'inkingi z'amateka y'u Rwanda. Muri ibyo bibazo harimo nk'ikibazo cya genocide hutu na genocide tutsi, revolution yo muri 1959 n'ibindi.
Kugirango kandi ibiganiro bikorwa nta kajagari, nibyiza kwibutsa imirongo ya politiki isanzweho muri opposition nyarwanda kugirango bifashe n'amashyaka mashya amahitamo yo kumenya aho akwiriye kwegamira cyangwa se bakaba bashinga iyabo bakayitangaza igihe bumva ntaho bibona. Dore imirongo ya politiki isanzweho muri opposition: Hari umurongowa politiki ubarizwamo impuzamashyaka ya CNCD, Hari umurongo w'impuzamashyaka ya RNC-Amahoro-FDU ya Nkiko, hari umurongo wa politiki w'Ishyaka Banyarwanda risangiye na MRP Abasangizi, hari umurongo w'impuzamashyaka RDI-FCLR. Haramutse hari undi murongo utari muri iyi benewo batubwira tukawongeraho. Na none abatibona muri iyi mirongo bakaba nta murongo bari basanzwemo bashobora gushinga uwabo bakabitangaza tukawongeraho.

Kugirango birusheho no gufasha, ababishoboye bamwe baterera akajisho mumateka uburyo abanyarwanda bagiye bitwara kuri icyo kibazo muri politiki nyarwanda kubireba za generations.
Bimwe mubyo kwibazaho bishobora kubamo kwitegereza ibigiye biranga za generations, ibyo banyuranya cyangwa ibyo batumvikanaho. Harebwa kandi uburyo uko kunyuranya kwa za generations bitaba inzitizi ahubwo bikaba ubukungu kubanyarwanda.
Ababishoboye mwanyuzuza kuri ibi bitekerezo mukavuga n'uko mubibona.
Ndabashimiye

Bruxelles, le 06/02/2014

Rutayisire Boniface
Perezida w'Ishyaka Banyarwanda akaba na President w'Association y'abavictimes TUBEHO TWESE
Tel (32) 488250305

Abanyapolitiki b’amasugi ugereranije n’abarata inkovu z’imiringa

February 7, 2014 By Simeon Leave a Comment

Hashize imyaka itari myinshi cyane mu ruhando rw’abatavuga rumwe na leta ya Kigali hadutse itsinda ry’abanyapolitiki biyita (mu mazina ya ruzungu) ko ari “nouvelle génération” cyangwa “new generation”. Ugenekereje mu rurimi rwa gakondo twabita «abanyapolitiki b’amasugi», cyane cyane ko batagira ipfunwe ryo kuvuga ko abababanjirije muri uwo mwuga bijanditse bidasubirwaho bakaba batagifitiwe icyizere cyo kuba hari ikiza bazanira Igihugu cyacu. Bati nimutureke twe tutigeze twiyanduza, twe tudafite icyasha, tubereke uko intama zambarwa.

Ayo masugi iyo uyitegereje usanga koko ari abantu bakiri bato batarageza ku myaka 50 y’amavuko. Abenshi muri bo babaye mu Rwanda nyuma y’amarorerwa yarugwiriye, bamwe ndetse baracyarurimo na n’ubu.

Mu magambo akunze kugaruka mu kibonezamvugo cyabo bagira bati « tugomba guhaguruka tugakosora amafuti yakomeje kuranga abarata inkovu z’umuringa ». Mu buryo butaziguye, birasobanutse ko intego yabo ari uguhambiriza bakuru babo bababanjirije mu kibuga.

Nyamara na none iyo urebye inkubiri n’ivogonyo rya bamwe muri bo, wibaza ahubwo niba hari intumbero ihamye bafitiye u Rwanda, cyangwa niba atari gusa ya politiki ya have mpage. Ntabwo mu by’ukuri bigaragara neza niba hari akarusho baba bafite. Bityo ababarebera bakaba ahubwo babagereranya na ya madini yadutse i Rwanda bamwe bise ay’inzaduka. N’abo bagabo bamwe ntibatinya kubita Inzaduka, hari n’abadatinya rwose kubita Ibyaduka !

Ikindi gikomeye gikunze gutuma abantu babakerensa ni imyitwarire ya bamwe muri bo. Bati ese koko wayoboka umuntu wigize ikigirwamana nko ku gihe cya Kinani cyangwa cya Kim Il Sung. Ubwo baba babivugira ko uretse kuba barigize ba Perezida b’amashyaka bayobora, ahubwo bongeyeho agakeregeshwa biyita ba “Perezida Fondateri” nko mu gihe twari muri Rukumbi. Ibyo nabyo bitera kwibaza kuri abo bagabo, cyane ko benshi muri bo usanga basa nkaho bafite ipfunwe ryo kuba batarabasha kugira uruvugiro rubakwiye, no kugira pawa nk’uko babyifuza. Ikibazo cyabo gikomeye ni ukutagira ukwihangana. Bashaka amaronke y’ako kanya. Ntibazi ko abo barega kurata inkovu z’imiringa bamaze imyaka n’imyaniko bagerageza, bagasiza byakwanga bakimura ikibanza bakongera.

Ubanza ari ukujya duhora tubibutsa ko n’ubwo urubuga rwa politiki rufunguye ku barwanya leta ya Kagame bari hanze y’Igihugu, ntawe uzicara ngo ibintu byizane, ni ugutirima no gushinyiriza.

Cyakora jye aba banyapolitiki mfite icyo mbashimira, kandi sinshidikanya ko batazatinda kugira ubushishozi n’ubukoranabuhanga (professionnalisme), bapfa gusa kwirinda akateye mu banyarwanda ko guheza no gusuzugura.

Ikinshimisha cyabo kandi kimpa ikizere ni uko bahora bahamagarira abandi kwishyira hamwe bagatahiriza umugozi umwe. Cyakora byari kuba byiza iyo nabo batamera nka bakuru babo ngo bashinge amashyaka mashya kandi barasanze hari amashyaka ariho kandi bahuje intego muri rusange. Ariko nta rirarenga.

Babinyemereye nabagira inama yo kudacika intege, kandi ntibababazwe ni uko bakuru babo baba babasuzugura. Ntabwo mpamya ko ari ko bose babasuzugura, kuko nzi ko hari bamwe bagerageza gukorana nabo kandi n’ubu bagifite ubwo bushake. Gusa nabo ntibazagwe mu mutego wo kugira abo bakerensa, kuko kugira ngo politiki y’abatavugarumwe na leta ya Kagame igere ku musaruro ufatika, ni ngombwa ko nta n’umwe usigara inyuma.

Ikibazo ahubwo gikunze kuvuka ni icya “leadership”. Iyo bigeze kuri icyo gika niho bicika, ugasanga bamwe basizoye barwanira imyanya itanariho. Ibyo ariko si umwihariko w’abasaza, kuko n’abakiri bato bakunze kugira iryo rari. Twavuga ko bisa n’aho byabaye kamere ya benshi mu banyapolitiki.

Abanyapolitiki bacu rero ba “new generation”, kubera ko nzi ko batari basaya, bakaba bagifite gihana n’igaruriro, nibige uburyo bushya bwo gukora politiki, ntibakurikire gusa, ahubwo babe abahanzi, bige gutegura no guteganya, iby’imyanya babishyire ku ruhande, kuko n’ubundi imyanya irashakwa kandi iza ari uko hari intsinzi.

Kugira ngo babe imbarutso y’imikorere n’imitekerereze mishyashya, nibabe abahuza ba za “generations”. Bafite amahirwe kuko bari hagati ya “generations” ebyiri : iy’abarengura n’iy’abahinguka. Aha niho mbona bazavana ingufu nibashobora kuba ikiraro gihuza izo ngeri zombi z’abanyapolitiki. Ntibabereho gusa gupinga ibyo abababanjirije, no gushaka guhangana nabo, ahubwo biyumvishe ko bafite misiyo yo guhuza ingeri zose z’Abanyarwanda.

Bityo aho gukomeza kuba abanyapolitiki batagira inenge (b’amasugi) cyangwa badafite ubunararibonye (inzaduka), nibakore ku buryo ari ababyiruka, ari n’abasheshe akanguhe, bose babagana. Nibashishikarire kuba abahuza kandi babe n’abunzi. Ng’uko uko bazaba inararibonye n’inganzamarumbu.

Ni uko jye mbibona. Wowe urabibona ute ?

Jean de Dieu Tulikumana
Source : Akanyamakuru ka FDU-Inkingi

Ishyaka PRM/MRP-Abasangizi riributsa ibimenyetso bigaragaza Jenoside yakorewe Abahutu

December 12, 2013 By Simeon Leave a Comment

ICYO ISHYAKA PRM/MRP-ABASANGIZI RITEKEREZA KU NAMA YA “NDI UMUNYARWANDA” IHERUTSE KUBERA MU BUBILIGI

Kw’italiki ya 30/11/2013 i Buruseli mu Bubiligi habereye inama yakoreshejwe na Leta ya FPR Inkotanyi mu kwamamaza gahunda yayo y’ikinyoma ya “ndi umunyarwanda”. Ishyaka PRM/MRP-ABASANGIZI ryatangaje icyo ritekereza kuri iriya gahunda ubwayo n’ibiyihishe inyuma byose mu nyandiko twashyize ahagaragara taliki ya 28/11/2013. (Reba kandi utege amatwi: Uko ishyaka PRM/MRP-Abasangizi ribona gahunda ‘Ndi Umunyarwanda’ ya Leta y’Inkotanyi (audio)).

Mu nyandiko y’uyu munsi, dushishikajwe no kuvuga icyo dutekereza ku byo umwe mu bantu ba FPR bari bayoboye iriya nama y’i Buruseli yavuze mu bwishongozi n’agasuzuguro kenshi ngo “abavuga ko habaye jenoside ebyiri, iyakorewe abatutsi n’iyakorewe abahutu (double genocide), iyo y’abahutu yateguwe na nde,yakozwe na nde, yahagaritswe na nde”.

Ishyaka PRM/MRP-ABASANGIZI muri iyi nyandiko rirasubiza kiriya kibazo kuko twababajwe kimwe n’abandi benshi no kuba iriya nama y’i Buruseli ya “ndi umunyarwanda” yararangiye ntawe ushubije kiriya kibazo kandi igisubizo cyacyo gihari tukizi.

Ishyaka PRM/MRP-ABASANGIZI ryemera ko “Jenoside yakorewe abahutu mu Rwanda no muri Repubulika Iharanira Demokarasi ya Congo yateguwe na FPR/APR Inkotanyi, ishyirwa mu bikorwa na FPR/APR Inkotanyi/RDF, yatangiye muri 1990 ihera i Byumba kugeza ubu mu Rwanda hose ntawe urayihagagarika kuko na nubu igikomeza mu buryo bunyuranye turi buze kubereka muri iri tangazo”.

FPR Inkotanyi itangiza intambara y’amasasu mu Rwanda kuva taliki ya 1/10/1990, yaje ibeshya abanyarwanda n’amahanga ngo izanye demokarasi, ubutabera no kwishyira ukizana kwa buri munyarwanda mu gihugu cye. Nyamara ukuri kwari uko FPR Inkotanyi ari igiti cyashibutse kw’ishyaka ry’abatutsi b’abahezanguni ryo mu 1959 ryitwaga UNAR(RANU), ikaba yaraje igamije kwihorera ku bahutu ibaziza ko babatwaye ubutegetsi muri 1959 igihe birukanaga ingoma ya Cyami mu Rwanda yari yarabahejeje mu buja mu gihe cy’imyaka irenga magana ane.

FPR Inkotanyi n’abayobozi bayo nabo ubwabo bazi ko bakoze jenoside ku bahutu ariko bagatinya iriya nyito, ririya jambo; ku buryo bavuga ngo abantu bazabyite andi mazina yose bashaka ariko ntibazabyite jenoside. Jenoside mu gisobanuro cyayo bivuga ubwicanyi buba bugamije kumaraho igice cy’abantu runaka cyangwa se bose. Iki gisobanuro mpuzamahanga kijyanye neza neza n’ubwicanyi FPR/APR Inkotanyi yakoreye abahutu mu Rwanda no muri Repubulika Iharanira Demokarasi ya Congo kuko yabukoze mu buryo buteguye, bwizwe neza, kandi bumeze kimwe hose mu gihugu.

Ubwo buryo FPR Inkotanyi yateguye ikabupanga neza ikanabushyira mu bikorwa mu gukora jenosidey’abahutu ni ubungubu:
1. Guhamagara abaturage ngo nibaze mu nama kumva amabwiriza y’ubuyobozi bushya, bakaburira abatutsi ngo ntibaze muri izo nama, ubundi abaje bose bakababwira ngo nibicare hasi barundanyije ahantu hamwe maze bakabacucuma na machine gun/mitrailleuse, ugerageje kwirukanka akaraswa n’umuzenguruko(cordon) w’abasirikare n’imbunda zabo za Karachinkov na AK47;
2. Guhamagara abaturage ngo ni baze gufata imfashanyo z’ibiribwa kugirango baze ari benshi n’abana babo maze babone uko babarundanyiriza hamwe babice ari benshi icyarimwe nka kuriya tumaze kubivuga haruguru;
3. Gushyiraho inkambi z’impunzi mu gihugu hose kandi nta mpamvu yazo no gutegeka abaturage kujya muri izo nkambi ku gahato kugirango byorohere FPR/APR Inkotanyi kurobanura muri izo nkambi abo bajya kwica urusorongo buri munsi aho kugirango bagombe kujya kubasanga mu ngo zabo(urugero: inkamba y’i Byumba, inkambi y’i Rutare, inkambi ya Rwabusoro, inkambi ya Rwabuye i Butare, n’izindi nyinshi tutiriwe turondora zari hose mu gihugu);
4. Guhamagara abiyumvamo imbaraga zo kujya mu gisilikare bose kugirango bateranire ahantu hamwe ari benshi bakabapakira amakamyo bakajya kubicira ahandi hantu kugirango benewabo batazamenya irengero ryabo bakazahora bibwira ngo ababo binjiye igisilikare byahe birakajya!;
5. Guhamagara abasore n’abagabo biyumvamo imirya ngo ni baze bajye kubafasha gupakira ibiribwa n’inkwi, bakaburiza amakamyo ari benshi cyane, bakajya kubicira ahandi hantu, ababo bagategereza amaso agahera mu kirere ariko nyuma bakazamenya ko bishwe ari nabo bagiye batugezaho buriya buhamya bwose;
6. Kwicisha abaturage inzara muri izo nkambi zashyizweho mu buryo butari ngombwa ariko bufite icyo bugamije, no kubabwira ngo abafite imbaraga nibanyaruke bajye mu ngo zabo kuzanayo ibyo barya noneho abo bose bagiye FPR/APR ikabategera mu nzira bagenda cyangwa se bagaruka ikabica, ababo bagategereza abagiye kuzana ibiribwa bagaheba;
7. Gukusanyiriza abahutu mu makasho ya komini babashinja ibyaha batakoze, byagera ni mugoroba bakabicisha udufuni, abandi bakaraswa, ibi byarabaye hirya no hino mu gihugu;
8. Gusibanganya ibimenyetso bya jenoside y’abahutu FPR/APR Inkotanyi yakoraga batwika imirambo y’abo bishe, abandi bakabajugunya mu migezi, abandi ikabataba mu byobo rusange.

Ubu buryo bwa FPR/APR Inkotanyi yabukoresheje mu gukora jenoside y’abahutu muri perefegitura za Byumba, Ruhengeri, Gisenyi, Kibungo, Kigali Ngali, Gitarama, Butare n’igice cya Gikongoro igihe barimburaga imbaga y’abahutu yari mu nkambi y’i Kibeho imirambo imwe bakayitaba indi bakajya kuyitwikira mw’ishyamba rya Nyungwe. Cyangugu na Kibuye n’igice kinini cya Gikongoro ni ho FPR itabashije gukoresha buri buryo bwa jenoside mu kwica abahutu kuko hari muri zone Turquoise yari irinzwe n’abasilikare b’Abafaransa.

Nyuma ya Kibeho, jenoside y’abahutu yakorwaga na FPR/APR Inkotanyi yarakomeje ariko ihindura isura . Yafashe indi intera ikurikira:
1. Gushimuta no kunyereza abahutu, abasilikare ba APR Inkotanyi babakura mu ngo zabo no mu mayira bakajya kubica mw’ibanga babicisha kubakubita agafuni, n’akandoyi ko kubasatura agatuza;
2. Kwica abagore b’abahutukazi babyara n’impinja zabo mu bitaro no mu bigo nderabuzima;
3. Kurunda abahutu b’inzirakarengane muri gereza bataraburanye, batarakatiwe, emwe nta n’ikirego mu nkiko, icyaha ari ukuba umuhutu gusa kugirango bicirwe n’inzaramuri gereza n’imiryango yabo yicwe n’ubukene bwo kugemurira ufunze, abana babo bareke kwiga, ingo zabo zisenyuke, mbese bapfe bahagaze ubundi bapfe, nyagupfa bapfiriye muri gereza;
4. Gushyiraho inkiko gacaca zifite gahunda yo gusiga icyaha cya jenoside umubare w’abahutu benshi ushoboka kugirango bakatirwe imyaka ingana n’iyo bashigaje kubaho bityo FPR ibe izi ko bazapfira muri gereza;
5. Kwicisha abahutu bafunze ubujyahabi bwa gereza, uburozi, agafuni, akandoyi, inkoni, urubozo, ubundi FPR ikabeshya abanyarwanda n’amahanga ngo igihano cy’urupfu cyavuyeho mu Rwanda kandi izi ko kikiriho muri buriya buryo bundi bwose ikoresha bwo kwica bariya bahutu bafunze.

Muri iyi jenoside FPR/APR Inkotanyi yakoreye abahutu mu Rwanda, Ruhengeli na Gisenyi zagize umwihariko wazo wagaragaye mu buryo bukurikira:
1. FPR/APR Inkotanyi yigabagaho ibitero ikabeshya ngo ni abacengezi bateye ahantu runaka kandi mu by’ukuri ari ukugirango babone uko bica abaturage batuye aho hantu nyuma babeshye abanyarwanda n’amahanga ngo abo baturage baguye mu mirwano kandi atari byo;
2. APR yakoze imyitozo ya kajugugu z’intambara mu kwica abaturage bo mu Ruhengeli na Gisenyi yitwaje ngo bihishwemo abacengezi;
3. Kwica abaturage bo mu Ruhengeli bahungiye mu buvumo (grottes) bagirango bakize amagara yabo nuko FPR/APR Inkotanyi ikazana ibimashini bitengangagura imisozi bya caterpillars bigafungisha amabuye n’ibitaka byinshi bwa buvumo(grottes) abaturage bagaheramo batyo bagapfiramwo.

Ibi bimenyetso simusiga byose, bigaragaza nta shiti ko FPR/APR Inkotanyi yakoze jenoside y’abahutu. Twagiye tubigezwaho kandi na nubu turacyabibwirwa n’ababihagazeho, ari abahutu bacitse kw’icumu rya jenoside ya FPR/APR Inkotanyi, ari n’abatutsi bari bahari bikorwa (abasilikare n’abasivile) kimwe n’abagiye baburirwa cyagwa se baribwa akara ngo be kujya muri ibi no muri biriya kugirango batabyicirwamo kandi ubwo bwicanyi atari bo bwateguriwe. Bose, ari abahutu ari n’abatutsi, turabashimira ukuvugisha ukuri kwabo kuri iriya jenoside y’abahutu yakozwe bareba n’amaso yabo, bakanga guherana ukuri bazi babonye.

Ibyo rero FPR Inkotanyi, abayobozi n’abambari bayo bose babeshya ngo ubwicanyi bwabaye ku bahutu ni ubwicanyi bujyanye n’intambara, abapfuye bakaba barahubiranye gusa n’amasasu y’abarwanaga, nta bwo ari byo , ni ikinyoma cyambaye ubusa. FPR ikunze kwigamba ko ngo yahagaritse jenoside y’abatutsi. Twe tukaba tubona ko idakwiye kubyigamba kuko nta kwigamba ngo wahagaritse jenoside kandi urimo ukora indi jenoside. Nta kibazo uba ukemuye, ahubwo uba uri umubibyi w’imbuto mbi! FPR ikunze kandi kurega abantu gupfobya jenoside y’abatutsi kandi mu by’ukuri ariyo yayipfobeje rugikubita mu gihe yitwaga ngo irimo kuyihagarika kandi mu by’ukuri irimo ikora indi jenoside ku banyarwanda bo mu bwoko bw’abahutu, yenyegeza umuriro kugirango ibone uko yigerera ku butegetsi budasangiwe n’abanyarwanda bose kandi itera muri 1990 yarabeshyaga ngo ni cyo irwanira.

Ishyaka PRM/MRP-ABASANGIZI risanga kandi abanyarwanda bose bo mu moko yose, amashyaka yose, amashyirahamwe aharanira uburenganzira bwa muntu, abantu ku giti cyabo, amashyirahamwe aharariye abacitse ku icumu rya jenoside zombi, abayobozi b’amadini dukwiye kwishyira hamwe tugahaguruka n’ijwi rimwe tukamagana gahunda ya “ndi umunyarwanda” haba mu Rwanda no mu mahanga, tukavuga ukuri kuko iyi gahunda igamije gutera ipfunwe abahutu n’ikimwaro, guhembera inzangano hagati y’abanyarwanda cyane cyane abahutu n’abatutsi no guheza igice kimwe cy’abanyarwanda mu miyoborere y’Igihugu.

Bikorewe i Savannah, Georgia muri Leta Zunze Ubumwe za Amerika taliki ya 10/12/2013;
- Dr. Gasana Anastase, Perezida w’ishyaka PRM/MRP-ABASANGIZI;
- Mr. Mukeshimana Isaac, Visi-Perezida ushinzwe ibya politiki;
- Mr. Batungwanayo Janvier, Visi-Perezida ushinzwe ihuzabikorwa.

Niba ushaka kutwandikira, kugira icyo utubaza cyangwa se kutwungura ibitekerezo, email yacu ni
abasangizi@gmail.com

Turamagana gahunda y’itotezabwoko yiswe ‘Ndi Umunyarwanda’ – PRM/MRP Abasangizi.

December 4, 2013 By Simeon Leave a Comment

ISHYAKA PRM/MRP-ABASANGIZI RIRAMAGANA GAHUNDA Y’ITOTEZABWOKO YISWE “NDI UMUNYARWANDA” YA FPR - INKOTANYI.

Abanyarwanda, ari abari mu gihugu ari n’abari hanze, bamaze iminsi batwandikira binubira gahunda ya “ndi umunyarwanda” ya FPR Inkotanyi itegeka abahutu bose iyo bava bakagera gusaba abatutsi imbabazi z’icyaha cya jenoside batakoze.
Barabaza bati: kuva 1994 ko leta ya FPR yatubwiye ko nta moko akiba mu Rwanda, none ubu ibyo kuvangura ngo bamwe basabe abandi imbabazi ku gahato bije bite? Bati: komisiyo y’Ubumwe n’Ubwiyunge imaze imyaka hafi 20 ko leta ya FPR yatubwiye ko yageze ku nshingano zayo, gahunda ya “ndi umunyarwanda” ije gukora iki? Bayibonamo gahunda nshya ikaze igamije gutoteza ubwoko bw’abahutu, kubatera ipfunwe n’ikimwaro bihoraho, haba ku banyarwanda cyangwa ku banyamahanga.

Igisubizo ni uko n’ubundi FPR Inkotanyi itigeze igira mu migambi yayo nyakuri ibyo kubaka ubumwe bw’abanyarwanda. FPR mu mikorere yayo igira gahunda ibyeri: iyandikwa mu mpapuro yo kubeshya abanyarwnda n’amahanga, n’indi nyakuri itandukanye n’iyanditse akaba ari nayo ishyirwa mu bikorwa. Gahunda nyayo y’ukuri ya FPR Inkotanyi kuva mu 1994 ni iyo kwenyegeza urwango n’inzika bihoraho hagati y’abatutsi n’abahutu kugirango yo ikomeze gusarurira mu nduru z’amoko yigaragaza nk’umurengezi w’abatutsi, ko itabayeho ngo itegeke u Rwanda ubuziraherezo abatutsi batabaho kandi atari byo.
Gahunda ya “ndi umunyarwanda” y’uko abahutu bose bagomba gusaba abatutsi imbabazi ku gahato ka leta ni cyo igamije: kwambika abahutu bose ibara rya jenoside ku gahanga bityo bagatakaza icyizere bagakwiye kuba bagirirwa n’abandi banyarwanda mu kubaka urwababyaye, kubaremano igihemu ku bandi banyarwanda, kubandarika no kubatesha agaciro ku mahanga , ikimwaro no guhora batuwemo n’ipfunwe rya jenoside rihoraho, noneho ubwoko bw’ abatutsi bukicazwa butyo ku ntebe y’ubutegetsi ubuziraherezo mu Rwanda.

FPR Inkotanyi muri politiki yayo yubakiye kw’ivangurabwoko mu Rwanda, ifata abahutu bose nk’ibirura, abicanyi, abajenosideri kandi arari byo, abatutsi bose bo ikabafata nk’abere mu mahano yose yabaye mu Rwanda kandi atari byo nabyo, mbese nk’intama zayo. Muzasesengure neza mukurikirane nkuko natwe twabigenje muzasanga muri iyi gahunda ya “ndi umunyarwnda “ itegeka abahutu bose gusaba abatutsi imbabazi ku gahato, ntaho Leta ya FPR Inkotanyi itegeka cyangwa se inasaba abatutsi gutanga izo mbabazi! Ubundi iyo umuntu asabye imbabazi hakurikiraho ibintu bitatu bishoboka: kuzimuha, kuzimwima, kwicecekera. Kumubwira ko umwimye imbabazi yagusabye cyangwa se kwicecekera, byombi bivuga ko nta mbabazi umuhaye.

Leta ya FPR kuba yarapanze gahunda y’abahutu gusaba abatutsi imbabazi ariko ikirengagiza nkana gupanga indi gahunda byakagombye kujyana yo gutanga izo imbabazi cyangwa se kutanazitanga, byatewe n’ibi bikurikira:

(1) abahutu gusaba imbabazi abatutsi bigamije kubagira abicanyi bose, kubatera ubwoba, kubambura uburenganzira bw’abo nk’abanyarwanda bwo kugira uruhare mu miyoborere y’Igihugu, gutera umuhutu ikimwaro aho ari hose n’aho agiye hose, kubatesha agaciro mu ruhando mpuzamahanga kandi bakaba nta bushobozi bafite bwo kubyanga kuko batsikamiwe n’ubutegetsi bw’abatutsi buri mu Rwanda muri iki gihe,

(2) gushyiraho gahunda yo gutanga imbabazi byatuma abatutsi n’abahutu bajya mu rwego rumwe bagashyikirana kandi atari cyo Leta ntutsi ya FPR igamije,

(3)kubera ko abatutsi bo bavuga rikijyana, leta ya FPR ntiyabategeka gutanga izo mbabazi ku gahato cyangwa se kutazitanga ngo babyemere ari nacyo cyatumye FPR ibahitiramo bose uburyo bwa gatatu ari bwo bwo kwicecekera, bivuga ngo izo mbabazi basabwe ntazo batanze. Ntaho tuvuye rero, nta n’aho tugiye. Mu gihe cyose FPR Inkotanyi izaba ikiri ku butegetsi, ikibazo cy’ubushyamirane bw’amoko Hutu/Tutsi ntikizakemuka kuko kugikemura bitari muri gahunda yayo. Gahunda ya FPR Inkotanyi ya “ndi umunyarwnda” ni gahunda nshya y’itotezabwoko yashyiriweho gutoteza abahutu.
Ishyaka Parti Rwandais des Moderes/Moderate Rwanda Party, PRM/MRP-ABASANGIZI nk’ishyaka rigamije guhuza abanyarwanda bose kugirango basangire ibyiza by’igihugu cyabo ntawe ukumiriwe, iriya gahunda yuzuye ikinyoma ya “ndi umunyarwnda” ya leta ya FPR iratubangamiye cyane bikomeye. Iriya gahunda ya politiki ya FPR yo gutesha abayanyarwanda bose bo mu bwoko bw’abahutu agaciro ibagerekaho icyaha cya jenoside igize icy’inkomoko kuri bo, iteye ubwoba. Iteye ubwoba kuko ije gushimangira no gushyira mu ngiro gahunda yindi yavuzwe cyane izwi ku mazina ya HAVILA, TUTSI INTERNATIONAL, TUTSI-HIMA EMPIRE, EMPIRE HIMA-TUTSI mu karere k’ibiyaga bigari by’Afurika, aho abatutsi bagomba kwigarurira andi moko yose atuye muri ako karere . Ikigaragara ni uko FPR – Inkotanyi yo yatangiye gushyira mu bikorwa umugambi wayo mubisha wo kuryanisha abanyarwanda.

Gahunda ya “ndi umunyarwnda” y’abahutu gutegekwa gusaba imbabazi abatutsi z’icyaha cya jenoside batakoze ni cyo igamije. Ni ukoza ubwonko bw’abahutu bose bakabatsindagiramo icyaha kuva ubu kibabereye icy’inkomoko cya jenoside bityo bakabambika ibara ku gahanga n’ipfunwe bigamije ibintu bitatu :

(1)gukomereza aho Gacaca yari igeze kugirango abahutu bari mu buyobozi n’abandi bafite ubushobozi bwo kuba babujyamo itahitanye bishinje ku mugaragaro icyaha cya jenoside batakoze bagisabira imbabazi, nyuma inkiko zisanzwe zizabongerereho ibindi byaha ubundi zibakatire burundu cyangwa indi myaka yose FPR ishatse kugirango bave mu nzira;

(2)gukomeza gutsikamira abahutu no kubapyinagaza hakoreshejwe uburyo bwose bushoboka kugirango ejo batazabaza FPR/APR Inkotanyi ibya jeoside yakoreye abahutu mu Rwanda no muri Repubulika Iharanira Demokarasi ya Congo;,

(3) gukumira abahutu ku butegetsi no kubasibira amayira yose yatuma bagira ibitekerezo bafitiye uburenganzira byo gutegeka igihugu cyabo nabo, ndetse n’ubwinshi bwabo bukababera imfabusa nkaho kuba abahutu no kuba benshi ari bo babyigize!

Ishyaka PRM/MRP-ABASANGIZI riramenyesha abanyarwanda n’amahanga ko ryasesenguye rigasanga n’uriya muvuduko muri iki gihe mubonana Perezida Paul Kagame na Perezida Museveni muri EAC bihereranye Perezida Uhuru Kenyatta ukiri mushya anafite ibibazo na ICC bituma adatekereza neza, ari cyo ugamije. Barashaka huti huti gukora ku buryo Perezida Museveni aba Perezida w’ibihugu bitanu bigize EAC byose, Perezida Kagame Paul na FPR ye bagakomeza gushikamira u Rwanda bakoresheje iriya gahunda ya “ndi umunyarwnda” igamije gupyinagaza abahutu, umututsi Azarias Ruberwa washyizweho na Kagame na Museveni agakomeza kuba Visi-Perezida wa Repubulika Iharanira Demokarasi ya Congo, bagashaka uko birenza umuhutu Perezida Nkurunziza w’u Burundi bakoresheje abatutsi b‘abarundi n’abatutsi b’abanyarwanda batatashye mu Rwanda, ubundi bakikuza Tanzania bica Perezida Kikwete nk’uko Perezida Kagame ubwe yabyivugiye ko afite aho amutegeye n’igihe amatugeye akazamukocora. Ibi bintu Kagame na Museveni barimo ni ibintu bibi cyane, haba ku bahutu haba no ku batutsi. Abatutsi babyumva cyangwa se babireba bakamwenyura mu mutima bibwira ko ari ibintu byiza by’ubutwari bibafitiye akamaro, baribeshya cyane. Nta muntu bifitiye akamaro habe n’umwe uretse udutsiko tw’abatutsi n’abahima bari mu butegetsi hamwe na Kagame mu Rwanda n’abari mu butegetsi hamwe na Museveni muri Uganda.

Ishyaka PRM-MRP-ABASANGIZI rirasaba abanyarwanda bo mu bwoko bw’abatutsi kuzirikana umugani wa kinyarwanda uvuga ngo: "Inkoni ikubise mukeba uyirenza urugo". Ibihe bibi abahutu barimo muri iki gihe bategekwa gusaba imbabazi z’icyaha cya jenoside cyakozwe na leta ya MRND yifashishije interahamwe n’impuzamugambi za CDR ejo nabo bashobora kuzaba babazwa cyangwa se bitirirwa bose icyaha cya jenoside FPR/APR Inkotanyi yakoreye abanyarwanda bo mu bwoko bw’abahutu mu Rwanda no muri Repubulika Iharanira Demokarasi ya Congo.

Kubera impamvu zose twavuze muri ubu butumwa zigaragaza ububi bwa gahunda ya “ndi umunyarwnda “ itegeka abahutu bose gusaba abatutsi imbabazi ku gahato z’icyaha batakoze, turasaba abahutu kwanga kwitabira iriya gahunda y’itotezabwoko igamije kubasiga ibara rihoraho rya jenoside no kubibutsa ko kwemera gusaba ziriya mbazazi ari ukwiyemeza icyaha kibi cya jenoside batakoze hamwe n’ingaruka z’icyo cyaka kuri bo ubwabo, ku bana babo n’abazabakomokaho bose. Turasaba abatutsi bose kurwanya iriya gahunda y’itotezabwoko no gusakuza hirya no hino bavuga ko banze gutanga izo mbabazi kuko ari iz’agahato ku bahutu batakoze icyaha cya jenoside kandi bikaba bigaragara ko iriya gahunda nta kiza cyayo uretse gusa kubateranya ubuziraherezo na bagenzi babo bo mu bwoko bw’abahutu. Umututsi Nkunzurwanda Mihigo Alexis ni we uherutse kwandika ati: “Ariko bitinde bitebuke u Rwanda ruzakira kuko abana barwo twese siko twokamwe n’amacakubiri. Abatutsi bashyira mu gaciro bakwiye kwamagana ivangura FPR na Kagame bari gukorera abahutu kuko guceceka tukabirebera dufatwa nk’abafatanyacyaha”.

Ishyaka PRM/MRP-ABASANGIZI, ishyaka rigamije gusangiza abanyarwanda bose ibyiza by’igihugu cyabo ntawigijweyo ngo akumirwe ahezwe inyuma y’urugi, rirasaba abahutu, abatutsi, abatwa, imvange hutu/tutsi tutsi/hutu n’abahawe ubunyarwanda babisabye, guhagurukira icyarimwe twese tukamagana gahunda mbisha ya “ndi umunyarwanda” yo gutegeka abahutu bose gusaba abatutsi imbabazi z’agahato z’ icyaha cya jenoside batakoze kuko ingaruka z’iriya gahunda ya leta ya FPR yo kwimakaza itotezabwoko ari mbi cyane ku banyarwanda twese no ku gihugu cyacu twese.

Bikorewe I Savannah, Georgia muri Leta Zunze Ubumwe za Amerika taliki ya 28/11/2013

Dr. Gasana Anastase, Perezida w’ishyaka PRM/MRP-ABASANGIZI; Se
Mr. Mukeshimana Isaac, Visi-Perezida ushinzwe ibya politiki; Se
Mr. Batungwanayo Janvier, Visi-Perezida ushinzwe ihuzabikorwa. Se

Tariki 30 Ugushyingo 2014, Jakaya Mrisho Kikwete arava ku buyobozi, ese azemera kubusigaho Paulo Kagame?

November 22, 2013 By Simeon Leave a Comment

byanditswe na Kanuma Christophe

“Tanzania, twiteguye neza icyaza cyose kandi niyibesha [Paulo Kagame] tuzamukubita nk’ukubita umwana…..Nagerageza kudutera tuzasubiza n’imbaraga zacu zose kandi twemeze ko tumushegeshe”
-Byavuzwe n’umuvugizi wa minisiteri y’Ububanyi n’amahanga ya Tanzania, Ally MKUBWA, tariki 12 Nyakanga 2013

“Birazwi, hari umurongo udashobora kuregwa, ntibishoboka……Nzamutegereza [Jakaya Mrisho Kikwete] ahantu hakwiriye kandi mukubite”
-Byavuzwe na Perezida, Paulo KAGAME, tariki 30 Kamena 2013

Perezida Jakaya Mrisho Kikwete yitegereza neza ingabo z’u Rwanda

Aya magambo nubwo amaze iminsi avuzweho byinshi, jye ndacyayibazaho byinshi cyane ko kugeza ubu twayobewe mu by’ukuri uwaba yaravuze ibyo yashobora gukora. Iyi nyandiko nagerageje kujya mububiko bw’amakuru kugira ngo ncukumbure menye uwaba yaravuze amagambo yo gukangata gusa ntabushobozi afite.
Turabaza tugereranye amateka n’igisirikare by’ibihugu byombi hanyuma tuze gusoza tugereranya abaperezida babili aribo Paulo Kagame w’u Rwanda na Jakaya Mrisho Kikwete wa Tanzania; kuburyo turangiza iyi nkuru buri wese wayisomye yabashije kumenya uwabeshaga abaturage be nawe yibeshya.

Reka duhere kuri Tanzania

Dukurikije ibarura rusange ry’abaturage ryabaye muri Tanzania mu 2012, iki gihugu kigizwe n’ abaturage 44,928,923, kimaze gutegekwa n’abaperezida 4 gusa kuva cyabona ubwigenge mu mwaka wa 1961. Tanzania ifatwa nka kimwe mubihugu bifite imiyoborere myiza ishingiye kuri demokarasi ndetse perezida Barack Obama yarabigaragaje ubwo aherutse gusura Afrika.
Mu gisirikare Tanzania irazwi cyane, aho abantu batajya bibagirwa ni mu kwezi k’Ukwakira 1978, abaturage bo mu majyepfo y'igihugu cya Uganda barivumbuye , bamwe mu basilikari bahungira muri Tanzania. Libiya iha Idi Amini imfashanyo n'abasilikari ibihumbi bitatu(3000) kugira ngo batere Tanzaniya bigarurire Akarere k'Akagera. Perezida Julius Nyerere yahise atangaza ko igihugu cye cyinjiye mu ntambara na Uganda, urugamba arufatanya n'abaganda bari barahungiye muri Tanzaniya.
Taliki ya 11/4/1978 ingabo za Tanzaniya (The Tanzania Peoples' Defence Force -TPDF) zafashe Kampala zifatanyije n'inyeshyamba z'Abagande n'Abanyarwanda. Idi Amini ahunga ubwo , anyura muri Libiya aza kwakirwa muri Arabi sawudite , atuzwa mu mujyi wa Djeddah ari naho yaje kugwa taliki ya 16/8/2003.
Si muri Uganda gusa Ingabo za Tanzania zakoze agashya ahubwo abenshi baribuka iby’umukoloneli witwa Mohamed Bacar wari warigaruriye ikirwa cya Anjouan nyuma yo kukibera umuyobozi, kimwe mubigize igihugu cya Comore, tariki 10 Kamena 2007 atangaza ko cyigenze.
Tariki 20 Werurwe 2008, Tanzania yohereje ingabo 924 gufasha ingabo za Comores gukubita Colonel Bacar, yabanje kwihagararaho ariko nyuma y’iminsi itanu gusa uyu mukoloneli yiyambitse ibitenge nk’umugore ahungira mu kirwa cya Mayotte kibarizwa ku gihugu cy’ubufaransa. Ubu uyu mugabo Bacar akaba yibera mubuhungiro muri Benin niba ataratashye tariki 26 Mata uyu mwaka nk’uko byari byitezwe.
Muri Afrika, bamwe mubashakashatsi bashira igisirikare cya Tanzania ku mwanya wa gatanu (cyari icya 6 Libya ikiyoborwa na Kadafi kuko igisirikare cya Libya cyasubiye inyuma ubu Tanzania yafashe umwanya wa 5) mugukomera, kikaba kiri ku mwanya wa gatatu mu kugira abasirikare benshi nyuma ya Ethiopia na Eritrea; abahanga bemeza ko ifite igisirikare cyatojwe cyane (more well trained troops) kandi kikaba ari icya kabili nyuma ya Kenya kuba gifite ibikoresho byinshi bya gisirikare.

Ese Jakaya Mrisho Kikwete we ni muntu ki?

Uyu mugabo wavutse tariki 07 Ukwakira 1950 akaba afite impamyabumenyi m’Ubukungu (Degree in Economics) si umwana muri politike kuko uyu mugabo yagiye ayobora ahantu hatandukanye mbere y’uko aba perezida wa Tanzania. Muri iyo twavuga kuba yarabaye ministri wa finance 1994 akaba yariwe muministri muto mumyaka kuva Tanzania yabaho. Ukuboza 1995 yabaye ministry w’ububanyi n’amahanga, umwanya yamazeho imyaka 10 yose kugeza abaye perezida wa repubulika.
Mubihereranye n’igisirikare si umwana kuko yabonye ipete rya Lieutenant 1976 azamuka mumapete kugeza ku ipete rya Lieutenant-Colonel akaba ariryo yagarukiyeho. Mugisirikare azwi cyane nk’umwarimu wa politike mumashyuli ya gisirikare (Chief Political Instructor and Political Commissar at the Military Academy).

N’iki twavuga ku Rwanda?

U Rwanda ntabwo turuvugaho byinshi. Dukurikije ibarura rusange ry’abaturage ryabaye mu 2012, u Rwanda rugizwe n’ abaturage 11,689,696 demokarasi ikaba igikemangwa. Mu gisirikare ntawutazi amateka y’u Rwanda n’intambara zo gukurahoHabyarimana Juvenal mu Rwanda, Mobutu Sese Seko na Laurent Desiré Kabila muri DRC ndetse nizindi zakurikiyeho. Abahanga bemeza ko igisirikare cy’u Rwanda cyubakitse cyane muri discipline.
Ntawutibuka intambara zabaye Pweto na Kitona muri DRC aho igisirikare cy’u Rwanda cyahanganye n’ibihugu byinshi bya Afrika bikagwa miswi ntanuwakwibagirwa uburyo igisirikare cy’u Rwanda cyatsinze igisirikare cya Uganda mu ntambara zabereye I Kisangani muri DRC.
Ariko ugereranije na Tanzania abahanga bemeza ko Tanzania irusha u Rwanda ibikoresho bikomeye byagisirikare.
Ariko kandi bakemeza ko muri Afrika Paulo Kagame ari umwe mubahanga muby’intambara Afrika itigeze igira kugeza ubu.
Reka dusubire kukibazo twahereyeho: Tariki 30 Ugushyingo 2014, Jakaya Mrisho Kikwete arava k’ubuyobozi, ese azemera kubusigaho Paulo Kagame?
Perezida Kikwete yatinyutse kuvuga ijambo ryari rimaze imyaka myinshi ryaragizwe kirazira ariryo gusaba leta iyobowe na Paulo Kagame gushikirana n’abarwanyi ba FDLR bari mumashyamba ya Kongo. Nyuma yo kuvuga ayo magambo Leta y’Ububiligi nayo yahise ishimangira ko ayo magambo ya Kikwete akwiriye ko u Rwanda rugomba gushyikirana na FDLR! Leta Zunze Ubumwe z’Amerika n’Ubwongereza byararuciye birarumira ariko Barack Obama yahise asura Tanzania nk’ikimetso ko mubiyaga bigali bya Afrika yemera Kikwete kurusha abandi.
Abakurikirana ibintu n’ibindi bemeza ko amagambo Kikwete yavuze yayatumwe na bimwe mubihugu by’ibihangange bitashatse guhita byiteranya na Paulo Kagame kubera ko byishinja kuba byararebereye Jenoside ikorwa ntibitabare ubwoko bwa Paulo Kagame.
Nyuma y’ayo magambo mu Rwanda habaye kwinjiza abasore mu gisirikare ku bwinshi muri buri Karere mu gihe muri Tanzania bivugwa ko abasirikari bari mubiruhuko cyizabukuru ndetse n’abari mubiruhuko bisanzwe bahise bahamagarirwa gusubira mubigo byagisirikare.
Ayo magambo yateye intambara hagati y’u Rwanda na Tanzania (Guerre mediatique et diplomatique) kuburyo abenshi bemeza ko habura imbarutso gusa ngo ibyo bihugu byombi byerekane ububasha bwabyo. Ndasanga Tanzania yarabashije gushaka inzira DRC ndetse ikaba ifite indi ifunguye Rusumo aho bihana umupaka hose n’u Rwanda.
Ubwinshi bw’abaturage, ubwinshi bw’ingabo n’ibikoresho, ubwinshi bw’inzira igihugu kimwe gifitanye n’ikindi, uko igihugu gisanzwe kizwi muruhando mpuzamahanga nsanga aribyo bizagena itsinzi muri iyi ntamabara (iramutse ibaye).
Igihugu cya Mwalimu Nyerere nigihura n’igihugu cya Gregoire Kayibanda Afrika izashyigikira ikihe? Izashyigikira ikizwi nk’igihugu cy’amahoro kidashotorana!
Ntibizabe simbyifuza na gake!

KANUMA Christophe

« Previous Page