Mu Urubuga Rwa Twese rwo kuwa gatatu w'igishize, hifujwe ko abayobozi b'amashyaka n'abandi bose babishoboye kandi babishaka bazahura mu Urubuga Rwa Twese bakungurana ibitekerezo ku ngingo 2 z'ingenzi:

1- Ingingo irebana n'Ubucikacumu:

Umucikacumu ni iki?

Iyo "statut" y'ubucikacumu twe tuyumva dute?
- Leta ya FPR-Inkotanyi yayihaye iyihe ntera?
- Ese hari impamvu umuntu yakwishimira kubarirwa mu bacikacumu?
- Ese hari abiyita abacikacumu atari bo? Kuki?
- Ese hari uburyo bwo guhindura imyumvire n'imigirire kuri ibyo birebana n'ubucikacumu?
...

2- Ingingo irebana n'abakoze jenoside:

- Ese abavuga ngo jenoside yakozwe n'abahutu, cyangwa ngo jenoside yakozwe n'abahutu "extremistes", bari mu kuri cyangwa hari aho bibangamiye?
- Ese bene iyo mvugo niyo ikwiye gukoreshwa koko?
- Ese hari uburyo bwo guhindura imyumvire n'imigirire kuri ibyo birebana n'abashinjwa jenoside?

Birumvikana ko bitashoboka kunononsora izo ngingo zombi mu kimbo kimwe cy'Urubuga Rwa Twese.
Ubu mbandikiye mbasaba mwese kuza kwohereza abahagarariye amashyaka yanyu cyangwa imiryango yanyu mu Urubuga Rwa Twese rwo kuri uyu wa gatatu tariki 21/05/2014, aho tuzibanda ku ngingo ya 1 irebana n'Ubucikacumu.

Ruzatangira nimugoroba saa 18h isaha y'i London.

Ibitekerezo byanyu mwese birakenewe. Twizere ko muzahaboneka.
Imana ikomeze ibahe ubutwari n'ubushishozi mu mirimo mwiyemeje.

PS. Niba hari ubutumwa n'ibitekerezo ushaka kutugezaho mu nyandiko, ushobora kubutugezaho kuri ubu buryo:
- Kubushyira kuri webusayiti https://ijwiryarubanda.com/urubuga/2013/08/08/gira-icyo-ubwira-abandi/
- Kubushyira kuri webusayiti https://ijwiryarubanda.com/twandikire/
- Kubutwoherereza kuri email ijwiryarubanda@ijwiryarubanda.com

Simeon.
Ijwi Rya Rubanda.