Inkingi se ko yamunzwe, uzabigenza ute?

Babujije kwibuka ku tariki ya 6 Mata

Biteye isoni.
Munyarwanda, cyane cyane wowe wemeza ko wayobotse ishyaka FDU-Inkingi,

Muri 2004 wagiye gufatanya n'abandi kwibuka abazize jenoside, ku tariki ya 6 mata.

Mu mwaka w'2005 nabwo wagiye kwibuka inzirakarengane zose, ku tariki ya 6 mata.

Mu mwaka wakurikiyeho w'2006, nabwo ni uko, wagiye kwifatanya n'abandi banyarwanda kwibuka inzirakarengane zose, ku tariki ya 6 mata.

Buri mwaka niko byagenze, imyaka irashira indi irataha, nta kibazo wari ufite cyo gufatanya n'abandi kwibuka abawe n'ab'abandi bazize itsembamoko mu Rwanda.

Bigeze mu mwaka w'2012, uti birahindutse... uti sinakwibuka ku tariki ya 6 Mata, kubera ko numvise ngo ishyaka nshyigikiye ryagiranye amasezerano n'umujenosideri-nkoramaraso Nyamwasa n'abantu be... Ayo masezerano ntiwigeze uyasoma, ariko wizeye ubushishozi bwa Nkiko na Musangamfura, wizera Bucyeye na Ndereyehe, maze wemera kutibukira hamwe n'abandi banyarwanda ku tariki ya 6 Mata. Ngo hari abatutsi babibona nabi. Ngo hari abanyapolitiki byabangamira.

Mu mwaka w'2013, warabonye igihe gihagije cyo gushishoza no kwongera ukibaza, uti n'ubwo ntazi uko ayo masezerano ateye bwose, ndacyakina wa mukino w'ubushize, ndatsimbarara kuri cya cyemezo: uti , sinakwibuka ku tariki ya 6 Mata kuko ngo abahanuye indege kuri uwo mugoroba badashaka ko iyo tariki ivugwa, ngo hari abo byabangamira kandi bakomeye.

Biteye isoni. Biteye agahinda.

Ese ubwo, yewe munyarwanda wo mu Inkingi, urajya imbere, cyangwa uragenda ikinyumanyuma?

Koko ugutekereza kwawe kugarukiye aho ugutekereza kwa Nkiko na Musangamfura gutangiriye? Ureke gufatanya n'abandi kwibuka inzirakarengane zose ku tariki ya 6 Mata nk'uko wari usanzwe ubigenza, ngo ni uko abakarabya ba Nyamwasa ariko babivuze?
Harya ngo ni ukugira ngo mushimishe Nyamwasa, Gahima, Rudasingwa na Karegeya kuko bataragera igihe cyo kwumva ko ihanurwa ry'indege ya Habyarimana ku tariki ya 6/4/1994 ariryo ryabaye imbarutso ya jenoside mu gihugu! Kuko bagifite ipfunwe ngo bibutse ku tariki ya 6/4, bene babo bakwumva ko bakoze ishyano bibukamo na Habyarimana na Ntaryamira bishwe kuri iyo tariki!

Munyarwanda wumva ko gukunda intwari Mme Victoire Ingabire bijyana no kwemera no gukurikira amafuti ya ba Nkiko na Musangamfura, igihe cyo kwibaza ni iki ngiki.
Ese koko wowe ubwawe wumva bifite ishingiro gukwepa no gushaka kwibagiza itariki ya 6 Mata? Cyangwa ni ugukurikira gusa, kubera ko wibwira ahari ko nta kundi byagenda? Ibaze iyo iryo shyaka uvuga urwana cyangwa iryo urwanira rizakugeza. Erega muvandimwe, inkingi y'ubu siyo watangiranye nayo. Ya nkingi ya Ingabire ukunda, imungu yarayishegeshe.

Biteye isoni! Biteye agahinda.

Munyarwanda ushaka kwibagiza itariki ya 6 mata 1994,
Aho ntiwari ukwiye kwongera gusoma inyandiko yanditswe n'intwari twese tuzi kandi twemera, yahirimbaniye ubutabera n'ubwumvikane mu banyarwanda, kugeza n'ubwo abizize agafungwa burundu amaherere, kubera gusa ko yatinyutse kandi akiyemeza kugendera ku kuri no ku bumuntu aho ari hose?
Iyo ntwari ni Bwana Mushayidi Deogratias.
Uzasome inyandiko ye witonze, ndizera ko izagira icyo ikwigisha!
Iyo nyandiko yayikoze ku tariki ya 8/4/2006, ayita 'kuki nagiye kwibuka uwa 06 Mata?'

[catlist id=28]