Gahunda — Page 3

IKIGANIRO-MPAKA: Rubanda izareka Kagame ahindure Itegekonshinga kugira ngo yongere yitoreshe mu 2017?

October 31, 2014 By Simeon 1 Comment

IKIGANIRO-MPAKA: Rubanda izareka Kagame ahindure Itegekonshinga kugira ngo yongere yitoreshe mu 2017?

Radiyo Ijwi rya Rubanda iratumira ababyifuza bose cyane cyane abanyapolitiki mu kiganiro-mpaka kizaba kuri uyu wa gatandatu taliki ya 1/11/2014 saa kumi n’ebyiri(18h) z’ umugoroba ku isaha y’I Londres, saa moya(19h) ku isaha y’ i Paris, saa mbiri(20h) ku isaha y’i Kigali .

Koko rero kugira ngo azongere atorwe mu mwaka w’2017 agamije kwibera Umukuru w’igihugu ubuziraherezo, Perezida Paul Kagame ari mu myiteguro yo guhindura Itegekonshinga ryo mu 2003 cyane cyane mu ngingo yaryo y’ 101 igira iti:

“Perezida wa Repubulika atorerwa manda y’imyaka irindwi. Ashobora kongera gutorwa inshuro imwe.

Nta na rimwe umuntu yemererwa gutorerwa manda zirenze ebyiri ku mwanya wa Perezida wa Repubulika”.

IKIGANIRO KIZIBANDA KURI IBI BIBAZO:

1. Ihindurwa ry’itegekonshinga rikorwa rite?

2.Ese Abanyarwanda batekerezaho iki kuri iri hindurwa ry’itegeko nshinga Kagame ateganya?

3. Abayobozi b’amashyaka ya Opozisiyo babibona bate kandi barateganya gukora iki?

MUZAZE MURI BENSHI TWUNGURANE IBITEKEREZO….

Kuri uyu mugoroba mu Urubuga Rwa Twese: Twibaze ku mikoranire y’Abanyarwanda n’Abarundi

October 31, 2014 By Simeon Leave a Comment

URUBUGA RWA TWESE rwo kuri uyu wa gatanu 31/10/2014 - 18h isaha y'i London.
TWIBAZE KU MIKORANIRE Y'ABANYARWANDA N'ABARUNDI
Ese abarundi n'abanyarwanda bashobora gushyira hamwe? Ese babona umwanzi kimwe? Bashobora kuba barashatse gutabarana ururimi rukabangira!
Murarikiwe gutanga ibitekerezo byanyu mu URUBUGA RWA TWESE rwo kuri uyu wa gatanu 31/10/2014.
Ruratangira saa 18h isaha y'i London nk'uko bisanzwe, ni ukuvuga saa 20h isaha yo mu Rwanda no mu Burundi.

Gahunda kuri uyu mugoroba 04/07/2014: Ibyabaye mu Rwanda ntabwo ari ‘jenoside yakorewe abatutsi’

July 4, 2014 By Simeon Leave a Comment

Turizera ko mwashoboye gukurikira no gusesengura ikiganiro Radio Ijwi Rya Rubanda yagiranye n'impuguke mu by'amategeko, Profeseri Charles Kambanda wigisha amategeko muri Kaminuza muri Leta Zunze Ubumwe za Amerika, aho yadusobanuriye ku buryo burambuye kandi bwumvikana impamvu ubwicanyi bwakorewe mu Rwanda budashobora kwitwa jenoside yakorewe abatutsi nk'uko tubitsindirwaho ubu n'abanyapolitiki ba FPR-Inkotanyi hamwe n'ababashyigikiye.

Ibyabaye mu Rwanda abanyapolitiki bita ubu 'jenoside yakorewe abatutsi' ntibyuzuza ibisabwa byose n'amategeko mpuzamahanga kugira ngo ibyaha bihabwe inyito ya 'jenoside'.

Mu Urubuga Rwa Twese rwo kuri uyu mugoroba kuva saa 18h isaha y'i London, ni ukuvuga saa 19h isaha yo mu Rwanda, turaganira rero ku kibazo kirebana n'iyo ngoyi ya jenoside yaboshywe n'abanyapolitiki bo mu mutwe w'iterabwoba FPR-Inkotanyi wayogoje u Rwanda kuva ku tariki ya 1/10/1990.

Ni igihe rero cyo kwibaza, tukajya inama, tugasesengura, maze tugafata umwanzuro uhamye, tukanga burundu gufasha Inkotanyi kwimika ikinyoma, maze tugaca iyo ingoyi ya jenoside FPR ibohesha abenegihugu.

Buri wese atumiwe muri icyo kiganiro, kandi twifuza rwose ko n'abatabibona kimwe n'impuguke mu by'amategeko harimo Profeseri Charles Kambanda tubahe umwanya uhagije kugira ngo nabo baduhe ibyiyumviro byabo na references bagenderaho mu kwamamaza igikoresho cya politiki cyiswe 'jenoside yakorewe abatutsi'.

Ni kuri uyu mugoroba rero, kuva saa 18h isaha y'i London, ni ukuvuga saa 19h isaha yo mu Rwanda.
Ibitekerezo byanyu mwese birakenewe.

IKIGANIRO-MPAKA cyo ku tariki ya 31/05/2014 – ABAKOZE JENOSIDE

May 30, 2014 By Simeon Leave a Comment

Mu Urubuga Rwa Twese rwo kuwa gatatu, hifujwe ko abayobozi b’amashyaka n’abandi bose babishoboye kandi babishaka bazahura mu Urubuga Rwa Twese rwo kuri uyu wa gatandatu tariki ya 31/05/2014 kugira ngo bungurane ibitekerezo ku ngingo irebana n'ABAKOZE JENOSIDE mu Rwanda.

Iyo abantu bakoresha imvugo yacuzwe na Leta ya FPR-Inkotanyi bita ubwicanyi ndengakamere bwabereye mu Rwanda ngo ni 'jenoside yakorewe abatutsi', bakunze guhura n'ikibazo cyo gusobanura ku buryo bwumvikana abakoze iyo jenoside.
- Ese abavuga ngo jenoside yakozwe n’abahutu bari mu kuri?
- Ese abavuga ngo jenoside yakozwe n’abahutu “extremistes”, bari mu kuri?
- Ese abavuga ngo jenoside yakozwe n'interahamwe bari mu kuri?
- Ese abavuga ko jenoside yakozwe n'inkotanyi bari mu kuri?
- Ese abavuga ko jenoside yakozwe n'abatutsi bari mu kuri?
- Ese abavuga ko jenoside yakozwe n'abatutsi "extremistes" bari mu kuri

Mu by'ukuri, abakoze ayo mahano ni ba nde? Mu gihe abakoze ubwo bwicanyi bazwi cyangwa imitwe barimo izwi, kuki mu mvugo no mu nyandiko abantu babigoreka bagahitamo kubugereka ku bwoko ngo bwakozwe n'abahutu, cyangwa ngo bwakozwe n'abatutsi? Ese kwisegura ugerekaho 'exception' ngo "uretse ko atari bose", bivanaho ko icyo gihe uba wamaze kugereka icyaha ku bwoko muri rusange?
- Ese imvugo nk'iyo si imvugo nshyamiranyamoko?
- Ese bene iyo mvugo igereka icyaha ku bwoko niyo ikwiye gukomeza gukoreshwa koko? Abakiyitsimbarayeho babifitemo nyungu ki? Ni ba nde imvugo nk'iyo igereka icyaha ku bwoko ifitiye akamaro?
- Imvugo ihwitse kandi yerekana koko abakoze iyo jenoside yaba iyihe?

Muzaze tubijyeho impaka
Ari abahagarariye amashyaka, ari abahagarariye indi miryango nyarwanda cyangwa inkwakuzi mu gusesengura no gushishoza, mbatumiye mwese mu Urubuga Rwa Twese rwo kuri uyu wa gatandatu tariki 31/05/2014, aho tuzibanda kuri iyo ngingo irebana n’ABAKOZE JENOSIDE.

Isaha yo gutangira ikiganiro-mpaka ni saa 18h za nimugoroba, isaha y’i London.

Ibitekerezo byanyu mwese birakenewe, nyabuna. Nizeye ko muzahaboneka.
Imana ikomeze ibahe ubutwari n’ubushishozi mu mirimo mwiyemeje.

Simeon.
Ijwi Rya Rubanda.