Ibiganiro — Page 64

Paul Kagame yaganiriye n’urubyiruko rwiga muri Kaminuza

October 22, 2012 By Simeon Leave a Comment

Tega amatwi:

1.- Ijambo rya Paul Kagame abwira abanyeshuri ku tariki ya 19/10/2012. (mu Cyongereza).

2.- Ijambo rya Paul Kagame abwira abanyeshuri ku tariki ya 19/10/2012." (mu Kinyarwanda)

3.- Igice cya mbere cy'Ibibazo abanyeshuri babajije Paul Kagame ku tariki ya 19/10/2012 hamwe n'ibisubizo bahawe.

4.- Igice cya kabiri cy'Ibibazo abanyeshuri babajije Paul Kagame ku tariki ya 19/10/2012 hamwe n'ibisubizo bahawe.

5.- Igice cya gatatu cy'Ibibazo abanyeshuri babajije Paul Kagame ku tariki ya 19/10/2012 hamwe n'ibisubizo bahawe.

Ku tariki ya 19/10/2012, Prezida w'u Rwanda Paul Kagame yahuye n'urubyiruko rwiga muri za Kaminuza, abagezaho ijambo yari yabateguriye kandi atega amatwi ibibazo bifuzaga kumugezaho.

Iyo mibonano yamaze amasaha atatu. Kugira ngo ibiganiro bitarambirana, Radiyo Ijwi Rya Rubanda yatangaje iyo mibonano mu bice 5 bigufiya.

Mu gice cya mbere, Perezida Kagame aributsa abanyeshuri ko aribo bayobozi b'ejo, ko ahubwo ari n'abayobozi b'ubu, ko rero bagomba kumenya gushishoza no kugender ku biranga abayobozi nyabo. Akomeza avuga ku bibazo u Rwanda rufite no ku buryo amahanga yihatira kurushyira mu bibazo bitarureba, nk'ibya Congo. Nk'uko asanzwe abikora, aragaya cyane imikorere y'ayo mahanga n'imiryango mpuzamahanga ifite za gahunda zidasobanutse.

Mu gice cya kabiri, Perezida Kagame arasobanura mu Kinyarwanda ibyo yavuze mu Cyongereza, akagaragaza uko abona ibibazo byo muri Congo n'impamvu u Rwanda rudashobora kwemera kugerekwaho ibibazo rutateye kandi ababiteye bigaramiye.

Mu bice 3 bikurikiraho, abanyeshuri bahabwa urubuga rwo gutanga ibibazo byabo, Kagame akabasubiza cyangwa agasaba abamufasha mu butegetsi kugira icyo babivugaho cyangwa babikoraho.

mu cyongereza ku nshingano y'a

Radiyo Ijwi Rya Rubanda irasobanuza umucikacumu Ngoragoze ku tsembabwoko yiboneye

October 11, 2012 By Simeon Leave a Comment

Umucikacumu Ngoragoze aratanga ubuhamya ku byo yiboneye we ubwe mu gihe Inkotanyi zatsembatsembaga abahutu muri Gisenyi.

Mu kiganiro Bwana Fransisko Ngoragoze yagiranye na Radiyo Ijwi Rya Rubanda, yadusobanuriye ibyo yiboneye ubwe mu Rwanda kuva mu mwaka w'1994 Inkotanyi zikimara gufata ubutegetsi. Yasobanuye ukuntu Inkotanyi zatsembatsembye impunzi zari zimaze gusenyerwa inkambi yazo muri Nyacyonga, asobanura uburyo Inkotanyi zakomeje ubwicanyi ndengakamere iwabo muri Kibirira ndetse no mu bindi bice bya Prefegitura ya Gisenyi nko muri Kanama na Rubavu.

Tega amatwi:
Radiyo Ijwi Rya Rubanda irasobanuza umucikacumu Ngoragoze ku buhamya yatanze burebana n'itsembabwoko rya FPR Inkotanyi muri Gisenyi.

Radiyo Ijwi Rya Rubanda yamubajije kuri ubwo buhamya bwe, maze nawe arushaho gusobanura ukuntu yabibonye, haba muri Ngororero Inkotanyi zikimara gufata ubutegetsi, haba no ku Gisenyi aho yari afungiwe hamwe n'abantu benshi bo batabashije kurokoka itsembabwoko rya FPR Inkotanyi.

Leta ya Kagame irakomeza itsembatsemba ry’Impunzi z’Abahutu muri Congo

October 10, 2012 By Simeon Leave a Comment

Nyuma y'isohoka rya raporo mapping ya Loni kuri Jenoside yakorewe Abahutu muri Congo, Leta ya Paul Kagame yahagurukiye guhiga bukware impunzi z'Abanyarwanda muri Congo kugira ngo itsembatseme abashoboraga kuzatanga ubuhamya ku bwicanyi bw'Inkotanyi muri Congo.

Umwe mu barokotse ubwo bwicanyi bwa FPR Inkotanyi muri Congo, Bwana Hakizimana Paul, aratubwira uko impunzi zimerewe mu Burasirazuba bwa Congo.

FDLR iratabariza impunzi ziri muri Congo: Ingabo za Kagame zizimereye nabi

October 9, 2012 By Simeon Leave a Comment

Ingabo za FPR Inkotanyi iyobowe na Paul Kagame ziracyica impunzi muri Congo.
Bwana Laforge Fils Bazeye, umuvugizi wa FDLR (Forces democratiques de Liberation du Rwanda), aradusobanurira ko ingabo za Kagame zitigeze ziva muri Congo, ko ahubwo zakajije umurego mu kwica impunzi z'abahutu muri Congo.

Tega amatwi:
FDLR iratabariza impunzi zo muri Congo - Ingabo za Kagame zahagurukiye kuzitsemba.

Aratubwira uko izo mpunzi FDLR irengera zimerewe ubu kubera imitwe myinshi ya gisirikari yashyizweho kandi iterwa inkunga na Leta ya Kagame.
Aratabaza abantu bose bafite umutima wa kimuntu, cyane cyane abanyarwanda bari hanze, kuzirikana akababaro k'izo mpunzi no gushishikarira kuzitabariza aho bari hose, cyane cyane mu bihugu bikomeye no mu miryango mpuzamahanga.