Ijwi Rya Rubanda

Urubuga rw'Abaharanira Demokarasi mu Rwanda


Jya ku URUBUGA RWA TWESE
Nyabuneka, Ijwi Rya Rubanda ntiyemera abiyoberanya cyangwa batanga informations zitarizo kuri uru rubuga.

Pasitoro Michel Shyirahayo ku kibazo cy’ubwiyunge mu Banyarwanda

By Leave a Comment

Kuki ikibazo cy'ubwiyunge mu banyarwanda gisa n'aho ari ingorabahizi?

Kuva mu mwaka w'1990, Inkotanyi zateye u Rwanda zimena amaraso y'abenegihugu, zifata ubutegetsi ku ngufu z'imbunda n'agafuni, zitegekana ubugome bw'indengakamere maze zishyira ku ngoyi abenegihugu zagize ingaruzwamuheto hamwe n'abo zagize ingwate z'ibinyoma byazo.

Ingoma ngome y'Inkotanyi yashubije ibintu ibubisi, ibiba urwango, agahinda n'umwiryane mu moko y'abenegihugu ku buryo abanyarwanda benshi basigaye bibaza bati ese aho tuzashobora kwiyunga tubane neza mu gihugu nibura nk'uko byari bimeze mbere y'ingoma-nkoramaraso y'Inkotanyi.

Benshi rwose bifuza ko hagira igikorwa kigaragara kugira ngo habeho ubwiyunge nyabwo mu banyarwanda. Intambwe za ngombwa zikenerwa kugira ngo abantu bashobore kwiyunga zirazwi, ariko haracyari inzitizi zituma na n'ubu abanyarwanda bataratangira koko iyo nzira y'ubwiyunge.

Radio Ijwi Rya Rubanda yaganiriye n'umugabo uzobereye mu bintu birebana n'ubwiyunge, Pasitoro Michel Shyirahayo, adusobanurira uko abona icyo kibazo cy'ubwiyunge mu banyarwanda.

Ariko koko umurongo Radiyo Ijwi Rya Rubanda igenderaho ni uwuhe?

By 1 Comment

Ariko koko umurongo Radiyo Ijwi Rya Rubanda igenderaho ni uwuhe? Ese uwo murongo urumvikana?
Ese koko Radiyo Ijwi Rya Rubanda ntiyari ikwiye guha ijambo abavuga ku mabonekerwa ya Bikira Mariya?‏

Ntibyoroshye kuri bamwe kwiyumvisha neza ko umurongo wo guha ijambo buri wese udakwiye kuba mu magambo gusa.
Hari abanyarwanda bumva Radio Ijwi Rya Rubanda bagatangazwa, ndetse rimwe na rimwe bakababazwa n'uko iha ijambo buri wese ufite igitekerezo ashaka kugeza ku bandi. Hari benshi muri bo bayikoraho za komanteri biherereye iwabo muri za salons ariko ntibatinyuke kutubwira ku mugaragaro ko uwo murongo wa radiyo ubabangamiye cyangwa ubatera ipfunwe.

Akimara kwumva ikiganiro cyatanzwe Madamu Christine Kabega ku birebana n'amabonekerwa ya Bikira Mariya i Kibeho, umwe mu bumva Radiyo Ijwi Rya Rubanda yaratangaye cyane, atwandikira atugira inama yo kutajya dushyira ibintu nk'ibyo kuri radiyo. Yibazaga impamvu twaha urubuga abantu biyita abakiristo bakamamaza ibintu bitavugwa muri Bibliya. (Inyandiko yatwoherereje iboneka muri article Radiyo Ijwi Rya Rubanda ntiyari ikwiye guha buri wese ijambo!)
Yatugiriye inama agira ati: "Nk'umuntu wumva Ijwi rya Rubanda kandi w'umukristo usoma Biblia, nakugira inama yo kudashyiraho ibiganiro nk'ibyibonekerwa rya Bikira Mariya...
Ati "Ubu se uzemerera abantu bose baje bashaka ijambo kw'Ijwi rya Rubanda ngo bavuge ibyo ukwemera kwabo koko uzabishobora? Kandi n'iyo wabishobora, umuntu yakwibaza niba Radio yawe... igira umuco nyarwanda cg se niba yaracanganyikiwe..."
Radiyo Ijwi Rya Rubanda yaganiriye n'uwo muvandimwe, Bwana Ephraim Hategeka, ku birebana n'umurongo Radiyo Ijwi Rya Rubanda yiyemeje wo guha ijambo buri munyarwanda wese ubishatse n'iyo yaba avuga ibitandukanye n'ibyo abandi bakunda cyangwa bemera, cyangwa ndetse ibitandukanye n'ibyo nyiri ugushinga iradiyo we ubwe yemera.

Amabonekerwa ya Bikira Mariya ku banyarwanda i Kibeho no mu mahanga

By Leave a Comment

Ibi ni ibiganiro Radiyo Ijwi Rya Rubanda yagiranye na Madamu Christine Kabega ku birebana n'amabonekerwa y'Umubyeyi Bikira Mariya na Yezu ku banyarwanda.

Uku kwezi kw'Ugushyingo kwibutsa abanyarwanda igihe Umubyeyi Bikira Mariya yabonekeye bwa mbere abana i Kibeho muri Perefegitura ya Gikongoro.

Uku kwezi kandi ni ukwo gusabira roho zikiri muri purgatori.

Ibi biganiro bya Madamu Kabega birimo ibice bitanu, bisesengura ubutumwa bwatugejejweho binyujijwe kuri Nataliya, Segatashya na Valentine.

Ubuhamya bwa Masabo Nyangezi: Inkotanyi zapanze neza umugambi wo gutsemba abahutu zihereye ku bize

By Leave a Comment

Tumaze kwumva uburyo Inkotanyi zagiye zica aho zanyuze hose mu gihugu n'amayeri yose hamwe n'ubugome zakoreshaga kugira ngo umugambi wazo ugerweho, nta muntu n'umwe ushidikanya ko gutsemba abahutu ari ikintu cyatekerejweho neza n'inzego za FPR Inkotanyi zigahererekanya amabwiriza mu ngabo zazo no mu bakada zatoje ku buryo ubwicanyi bwose bwakorwaga bwabaga bwateguwe kandi bushyigikiwe n'abayobozi ba FPR Inkotanyi.

Tumaze kwumva ubuhamya bwa Bwana Masabo Nyangezi atubwira ukuntu yarokotse itsembabwoko i Kizi n'i Kabutare muri Prefegitura ya Butare, twamubajije icyo kibazo kirebana n'uko ijogora ry'abicwa ryakurikiraga gahunda yapanzwe mbere y'igihe.

s2Member®
Privacy Policy - Terms and Conditions - ALL RIGHTS RESERVED.