Padiri Thomas Nahimana yemeza ko Padiri Pierre Habarurema abeshya aho avuga ku iyicwa ngo n'iribwa rya Padiri Alphonse MBUGUJE.
Yabyanditse muri aya magambo:

... Bizwi neza ko Padiri Alphonse  MBUGUJE aticiwe  mu Gatandara ngo aribwe umutima n’amaroti, hanyuma atabwe mu gisimu cyaho.
Ahubwo yiciwe i Kamembe ahitwa ku CYAPA, ajugunywa mu gisimu hafi aho.
Abaje gutwara umurambo we ngo ushyingurwe mu cyubahiro i Kabgayi, bashobora guhamya ko batamusanze mu gisimu cyo mu Gatandara.
Umwicanyi wari uzwi ku izina rya TURUNE, wamaze imyaka itari mike afungiwe muri Gereza ya Rusizi, yiyemereye iby’urwo rupfu, aruvuga rwose uko rwagenze, kandi nta wari warigeze avuga ko Padiri Alphonse Mbuguje yaba yarariwe umutima cyangwa ngo akebwemo amaroti !

Padiri Thomas Nahimana - 27/04/2019.

Source: "PADIRI PIERRE HABARUREMA ARIYEMERERA KO YAKORANYE BYA HAFI N’INTERAHAMWE ZARYAGA IMITIMA Y’ABATUTSI !".

 

Padiri Thomas Nahimana - nawe waje kuyobora paruwasi ya Muyange uwo Pierre yakoragamo muri 1994 - yemeza ko Padiri Pierre Habarurema abeshya aho avuga ku iyicwa n'iribwa rya GAPFUMU.
Yabyanditse muri aya magambo:

Icyakora ba Nyakwigendera GAPFUMU na BENOIT Padiri Pierre Habarurema avuga ko biciwe mu Gatandara bakajugunywa mu gisimu cyaho, siko byagenze.
Bizwi neza ko biciwe ku Rusizi, hirya gato ya Home Saint Francois, ahitwa mu IBANGA, imibiri yabo irapakirwa ijya kujugunywa i Mururu,  mu musarani wo kwa Gapfumu, mu rugo.
Iyo mibiri yaje gutabururwa ishyingurwa mu cyubahiro kandi ntabwo yashyinguwe kuri Stade i Cyangugu. Ahubwo yashyinguwe mu CYIMBOGO, ahahoze ibiro bya Komini.
Imiryango yabo yahamya ko batariwe imitima nk’uko Padiri Pierre HABARUREMA ashaka kubyemeza isi yose !
Padiri Thomas Nahimana - 27/04/2019.

Source: "PADIRI PIERRE HABARUREMA ARIYEMERERA KO YAKORANYE BYA HAFI N’INTERAHAMWE ZARYAGA IMITIMA Y’ABATUTSI !".

Inyandukuro y'Ikiganiro Padiri Pierre Habarurema yagiranye n'Umunyamakuru Karirima - Igice cya 3.
Icyo kiganiro bacyise ngo "Ubuhamya: Baryaga imitima y'abatutsi n'imibiri yabo - Padiri Pierre Habarurema - Cyangugu".

Mbere twabagejejeho inyandukuro y'igice cya 1, aho Padiri Pierre Habarurema avugamo ukuntu mu gihe

cy'intambara yo muri 1994 yakoranaga kandi agakoresha abicanyi ruharwa ngo baryaga imitima y'abatutsi.
Twanabagejejeho kandi inyandukuro na nyuma y'igice cya 2, aho avuga kandi akemeza, nta kugaragaza aho yabikuye, ko ngo Abarundi bari basanzwe barya imitima y'abatutsi kugira ngo bagire imbaraga nk'izabo, kandi ko aribo bagize uruhare runini mu marorerwa yose yabereye muri Cyangugu.
Iyi rero ni inyandukuro y'igice cya 3 ari nacyo cya nyuma, aho Padiri Pierre Habarurema alias Rutwitsi avuga ukuntu nyuma y'intambara yo muri 94 ngo yiyeguriye akazi ko gusomera za misa ahantu hose habonekaga imibiri y'abishwe muri iyo ntambara, ku buryo ngo bamwe muri bagenzi be banamwise 'Padiri wo mu magufa'.

Dore uko abivuga:
N.B. Ushaka kubyumva yabisanga kuri Youtube https://www.youtube.com/watch?v=CDalyruepSA cyangwa kuri https://www.youtube.com/watch?v=iew6UFGQ-6E

Igice cya 3

Turatashye. Duciye i Burundi, dusubiye i Rwanda, aaah... dus... tugeze muri Kigali, abantu batangiye kugenda ba... ba, ba... bagaruka, abandi bava mu ma camps, baga... mbega abantu baragenda, bajya mu... Abandi bakava... bavuye mu bihugu byo hanze, bakaza bajye mu... batashye i Rwanda, bakajya mu mazu, ibyo bitaga kubohoza, n'ibiki, mbega buri wese agashakisha ahantu yaba yikinze.

Noneho, havuka rero noneho ikibazo. Ba bantu bari gushaka gushyingura bene wabo. Bakagera iyo bari ba... aho bene wabo bari batuye bagasanga nta na busa, ubundi bakabo... bakagenda babona ibyobo, iki..., bakagira imana bakabona ubabwira ati bashyinguwe hano, aha n'aha. Havuka ikibazo cyo kubashyingura. Ntabwo tubireka gutya, bagomba gushyingurwa. Ni uburyo bwo gukora icyunamo. Ikiriyo. Hum.
Noneho, abapadiri barava hehe? bo kuba, kuba, bo gushyingura abo bantu? Abatutsi barabamaze. Hapfuye ndakeka abagera kuri 125. Abahutu, hari abapfu... abishwe, abandi barahunga, benshi bari hanze, abandi... abishwe ni bakeya, ntabwo umuntu yabagereranya na... n'abahunze. Ariko ubirebye ni nko muri zones za... zo mumajyaruguru, harimo bamwe ba... bagiye ba... bapfa, hum... ariko ubirebye ibyo... urebye abahutu hari aba... abahunze, bake barishwe, hee abandi bari mu Rwanda, ariko bafite ubwoba. Ntabwo waba uri umuhutu w'umupadiri ngo ugende facilement, ntabwo byakworohera kugira ngo ugende, uhagarare ku... ku cyobo cya... kuri fosse commune aho ba... bajugunye a bantu, ngo uvuge ngo urahasomera misa, uri kumwe n'abantu biciwe. Ntabwo wabi... ntibyoroshye kubitinyuka.
Ubwo rero...
Ikindi, n'uwabitinyuka, yavuga ati ndabihera hehe ko ntabyo nize, nta gitabo cyabyo, muri Seminari ntabyo... ntaho twigeze tubyiga. Noneho ukabura repère, ukabura référence. Ukabura aho uhera. Noneho, ndavuga nti, ibyaribyo byose il faut que hagira ikintu dukora. Narabitangije. N'umupadiri witwa Luka. Turatangira turashyingura. Tukajya mu rufu... mu rubingo, ukajya hehe... ugasanga umuntu bamujugunye hariya, ugasomera misa aho ngaho, bakamushyingura aho hafi y'aho, ni uko. Tugasomera misa mu mago y'abantu... Twarabim... Nari na... Nari narabimenyereye rwose. Gusoma misa usi... ukajya usimbuka abantu ba... bicaye, uri kugenda... ba... barambije. Uhm... Ubwo abantu bagatwara ibita... abantu babiri bafite igitabo cy'umukirisitu, bakaririmba misa, cyangwa igitabo kimwe bakayiririmba, ariko tugakora ku buryo kiliziya iba ahantu umuntu yajugunywe. Heei.

Hari umupadiri w'umufaransa wigeze kuvuga ngo la rue est mon eglise. Hum? Et moi à cette époque là nashoboraga kuvuga nanjye nti: chaque fosse commune est mon eglise. Ku Kibuye hari umupadiri w'umusaza wigeze kuvuga, amvuga, aravuga ngo ndi padiri wo mu magufa. Hum? Byarambabaje ariko na none nkavuga nti ntakundi byagenda. Kuko ariko kazi nkora.
N'ub... n'abantu baba bashaka na none gushyingirwa. Hari... Urumva abantu bose ntibari barabibayemo. Barabaye mu... Abenshi kwumva gushyingirwa bumvaga ari ibintu bitagize icyo bivuze. Ariko hari abari batarabibayemo, batabizi, voila. Habagaho gushyingira, gushyingura. Nta kindi cyakorwaga, nta kindi nakoraga.
Noneho n'ibibazo rero bisanzwe by'abantu batagira epfo na ruguru. Uzi gusanga nk'umukecuru yicaye hariya nta ... , ari isoko imwe mu Kanogo gusa muri Kigali yose, umukecuru yicaye hariya, ategereje ko abantu bafite umu... bafite umurongo ugeze nk'iriya, bafite amajerikani barangiza kuvoma, bakabona nabo gutora utuzi, ari abakecuru 2 bicaye. Ndaza mbwira ba ba... rwa rubyiruko nti niko, bariya si abakecuru, ntibari bafite abana, bakabica? Bati iii. None se kuki mutabanza ngo mubavomere, ndetse mubatwaze n'amazi hanyuma ngo mubone kuvoma nyuma? Mba ngize gutya, ndabavomera, nshyira amazi n'abakecuru mu modoka, nkabageza iyo bari. Utuntu nk'utwo ngutwo...
Umunyamakuru: Padiri Pierre,
Nyuma y'ibi, mwabayemo, y'aya mateka, y'ubu buhamya. Ehm... Kiriziya Gatolika murayibona mute nyuma y'aya mateka?
Padiri Pierre:
Ikibazo umbajije kirakomeye. Kigomba kuba kigukomereye kuko ukimbajije, nanjye kandi kiba kinkomereye. Njyewe ndi umuntu ureba gutya, nkareba ibintu, no kuva n'icyo gihe jenoside yatangi... nkareba ibintu, nkabiburira igisubizo. Gusa, hein... Buri muntu wese azi uwo yemeye. Buri uwabatijwe wese azi Imana ye ya... ya... yabwiye ngo ndakwemera. Ikindi, hari ukuntu najyaga numva, hari umusaza wajyaga avuga ngo, ngo Mungu ni umurimo we. Imana ni akazi kayo, niyo izi abayo. Nta kintu nakwongeraho kuko ntaho nahera nsubiza. Gusa nanjye, mba ndi aho ngaho, mbirebera, mvuga nti, Mana yanjye, ukore umurimo wawe gusa nta kindi.

Nyuma yo kubagezaho rero mu bice uko ari 3 ibyo uwo mupadiri yatangaje mu kwezi kwa Mata 2019, Radiyo Ijwi Rya Rubanda irasaba ababikurikiye n'abashatse kubisesengura kutugezaho icyo babitekerezaho byose, cyane cyane uko babona uwo muvuno mushya abambari ba Leta y'Inkotanyi badukanye mu ijwi ry'uriya mupadiri wo mu magufa.
Turacyabiganiraho rero.

Ijwi Rya Rubanda.
-----------------------------------------
Mutwandikire kuri:
Email: ijwiryarubanda@ijwiryarubanda.com
WhatsApp: +44 795 458 6396.
-----------------------------------------

Inyandukuro y'Ikiganiro Padiri Pierre Habarurema yagiranye n'Umunyamakuru Karirima - Igice cya 2.
Icyo kiganiro bacyise ngo "Ubuhamya: Baryaga imitima y'abatutsi n'imibiri yabo - Padiri Pierre Habarurema - Cyangugu".

Ngiki igice cya 2 cy'ibyo Padiri Pierre Habarurema yita "ubuhamya" bwe, aho uwo mupadiri avuga kandi yemeza

ibintu biteye inkeke ku mico n'imyifatire y'abavandimwe bacu b'Abarundi, yemeza ko bari basanzwe barya imitima y'abatutsi kugira ngo bagire imbaraga nk'izabo, kandi ko aribo bafite uruhare runini mu marorerwa yose yabereye muri Cyangugu.
Mubisuzume mwitonze rwose, nibiba ngombwa mwongere musubiremo kenshi, cyane cyane mushishikajwe no kureba koko niba ibyo biva mu kanwa k'uriya mupadiri ari ibintu byujuje koko ibya ngombwa byo kwitwa "ubuhamya".
Murasanga mubyo atangaza agendera gusa kuri SPECULATIONS, za "Ba... Ba... Ba..." na za "NUMVISE BAVUGA...".

Ngaya amagambo ya Padiri Pierre Habarurema:
N.B. Ushaka kubyumva yabisanga kuri Youtube https://www.youtube.com/watch?v=CDalyruepSA cyangwa kuri https://www.youtube.com/watch?v=QRBEIQ5qyiA&t=1s.

Igice cya 2

Heen.
Ni ibintu bita...
Ni ibintu byavuye...
Reka... Bitume... njya ku kindi kintu batavuga: impunzi z'abarundi, ibibi zakoze mu Rwanda.
Hari camp, hari i Nyarushishi baje gushyira impunzi zivuye muri sitade. Hari hari camp y'impunzi z'abarundi b'abasore gusa, barabavanye mu Bugarama, batoranyamo abasore n'inkumi, babazana... n'abakobwa bake, babazana muri iyo camp ya Nyarushishi. Yayoborwaga n'umufaransa w'umumajoro wari pensionné, witwaga Francois Marc. Ndamuzi kuko twaraganiriye, nigeze no kumutwara atwaye... ajyanye umuceri n'ibishyimbo, abishyiriye abo basore. Nasanze bari gukora za kata, za karate. Bari mu myitozo ya karate. Bintera ubwoba ndamubaza nti: Monsieur, nti aba bantu bakora iki ahangaha? Ahantu hatarimo umusaza hatarimo umukecuru harimo abasore bari muri iyi myitozo? Arambwira ngo ni amabwiriza ya prefe. Ngo ni Prefe wabaz... wabaza... waba... wabatoranije ngo abazana ahangaha, ngo ubundi ngo arambwira ngo, ngo bariya, ngo abe ari njyewe ubitaho. Umumajoro!, w'umufaransa!, uri muri camp y'abasore bari kwitoza karate! Je vous laisse ... deviner.
Iyo camp ya Nyarushishi ntawuzi uko yarigise. Gusa naje kubaza uwitwa Filipo wo muri HCR wayoboraga HCR nyine hariya muri Kivu Sud yose, arambwira ati, ati Francois Marc, ati ari i Uvira. Ya camp yabaye dispa... ça a disparu. Ba basore bahise ba... icyo bakoze ni iki?
Babahaye intwaro. Kuki iyo camp yari i Nyarushishi? Ni uko Nyarushishi ni hagati ya... y'ahantu habaga abatutsi benshi benshi muri Cyangugu. Hari za Mutimasi, Munyove, Giheke, Bigutu, abantu bakikije icyayi, icyayi cya Shagasha kuko icyayi cya Shagasha bacyubatse muri zone abatutsi bari batuyemo barabirukana. Eh bien... abo basore, ni naho muri Cyangugu ubirebye, [arakaya], aho bajyaga bica abantu mu giturage, ni... aho niho byakubitiye.
Ahongaho, mwifatizo rwose niho ba... mu ntangiriro niho bya... Ni ba basore bagiye kwica aba bantu. Barabamara, barangije, bafata inzira bajya i Buvi... i Buvira, ahaba izindi mpunzi zose zisanzwe.
Abandi, ni abahutu babaga za Nyamata. [Ashakisha kandi yahagira] Na... za ... hum... aba.. intu... hari... aba... aba... abajya bavuga... ni... ni nk'abarundi babaga... muri za... mpy... hirya... hari ntuze... iki... iki... hari hirya... hirya ya za Nyamata... hari... hun hun... hari impunzi za... z'abahutu zahabaga nyinshi... izina rya... hari n'ishuri ry'intuza... Hari na ecole secondaire bahubakiye ya...

Umunyamakuru: I Lilima?

Pierre:
I Lilima. Yee. Hari hatuye abarundi benshi cyane.
Abo barundi... Bavuga ko hari hari na camp y'abarundi gusa, y'interahamwe z'abarundi, bari bageze kuri nka 4500.
Bavuga ko aribo, cyane cyane, bag... imirwano y'i Jali aribo bari bahari. Kuko i Jali hapfuye abantu benshi cyane. Barwana n'inkotanyi.
Abandi ni... ni... ni camp y'abahutu bo ku Gikongoro, b'abaru... abarundi bo ku Gikongoro. Hari abari bari i Kigeme, ariko bari barabanje i Kibeho. Iyo camp, abarundi barimo ni abacriminels. Hein. Ubu barahavuye, bahashyize impunzi zivuye muri Congo, ariko aho hantu ni ab... abo bantu ni abacriminels gusa bari barimo.
Ikintu... ibintu byo kurya imitima, ni... nibo babizanye. Tuvuge nk'i Cyangugu, ni pratique yabaga i Burundi. Kurya umutima w'umututsi kugira ngo ugire imbaraga z'uwo mututsi. Baryaga abantu, imitima yabo, kugira ngo bagire ingufu zabo. Ibintu bimeze nka sorcellerie. Ni nabyo rero bako... ba...

Hanyuma il ne faut pas kwibagirwa ko interahamwe zo... zo mu Bugarama, za Yusufu,hum..., abenshi ni abarundi bari barimo. Harimo nk'umuliyetona w'umurundi, wavuye muri armee burundaise, wavuye mu gihe bya... mu gihe... igihe cya Ndadaye. yari tireur d'elite. Hum? Uwo muntu yari afite imbunda i Mibirizi. Ntabwo ari nk'iy'interahamwe zarasaga ngo tukutukutu... Hun hun... We yari paf, paf. Ntawe yarataga. Ntawe yahushaga. W'umusilikari w'umuliyetona w'umurundi. Abo nibo bagiye, nibo bagiye kwica, baragiye bagera hehe? Mu Bisesero.
Bus zitwaye interahamwe za Yusufu, zageze mu Bisesero.
Impunzi z'abahutu b'abarundi, [Atsindagira] zakoze amabi aya arenze ubwenge mu Rwanda. Icyo ni kimwe. Nta muntu n'umwe nari nabyumvana. Nta n'umwe. Ariko iyo wabaga ubazi, uzi ibintu ba, bako, hein, iyo... hari, hee, icyo cyo ni ikintu abantu bagomba [Atsindagira] kumenya, à cent pour cent, bakakimenya.

Hari umuntu wigeze kumpa temoignage, mbere ya jenoside. Umubyeyi wabaga... wareraga abana i Mibirizi. Yari afite umwana yare... ya... ya... abana yacumbikiraga biga muri ecole secondaire
i Mibirizi baba mu... bavuye mubi... mu nte... ahantu kure iyo za Bweyeye, za... ahantu kure. Hafi y'i Burundi.
Ya... Uwo muma... uwo mubyeyi yarambwiye ati. Hari umusaza waje kureba umwana we, aramubwira ati ... aaa... amusu.. amubwira ibintu biba iyo ruguru, ati abasore bose badushizeho. Ati barajyahe se?
Ati bafite ahantu bitoreza mu Nyungwe, ati umusore wese ugiye kujyayo bamuha amadolari 100. Bakajya kwitoza. Ati no mu Burundi bagiye kubashakayo. Ati harimo n'abarundi benshi. Hum? Izo nterahamwe, hum?, nizo zagiye zinyanyagira hose.

Hari abantu nzi muri Cyangugu bajyaga bajya kwitoza. Bakagenda bakajya kwitoreza mu ishyamba. Nyuma ya 2 semaines, bakagaruka. Ukabona ari abantu mwaganiraga, bari muri servisi izi n'izi, izi zisanzwe, ukabona umuntu yarahindutse ntakiri wawundi. Umuntu wari debedebe w'umushenzi, ari veterinaire cyangwa iki, ukabona yabaye... yihagazeho, bikakuyobera. Mais on le savait.

Hari i Shagasha... tuvuge... i Shagasha hari cabine publique yari ihari, bari baravanyemo telefoni, barundamo imbunda, nakubwira ko hategekwaga n'umushiru. Tekereza nawe umushiru! Bari barashyizemo imbunda. Buri muntu wese yareberaga mu idirishya akazibona. Hum? Izo mbunda rero zakoze amabi. Hari izindi bagendaga bashyira mu bantu b'abayobozi b'interahamwe bakazistocka mu mazu. Ndirinda kubavuga bamwe. Hum? Ibyo byose byari ibintu bizwi.

Icyo cyari igice cya 2 cy'amagambo Padiri Rutwitsi alias Pierre Habarurema yatangaje mucyo yise 'ubuhamya'.
Mwumvise ko hose agendera gusa kuri SPECULATIONS  na "NUMVISE BAVUGA NGO...".
Ibyo byo kuzana ibihuha bitabonewe gihamya nyuma y'imyaka 25 Leta y'Inkotanyi igiyeho bigamije iki? Bimariye iki abanyarwanda?

Radiyo Ijwi Rya Rubanda yiyemeje gukomeza kumugarukaho no mu biganiro biri imbere.
Biracyaza rero.

Ijwi Rya Rubanda.
-----------------------------------------
Mutwandikire kuri:
Email: ijwiryarubanda@ijwiryarubanda.com
WhatsApp: +44 795 458 6396.
-----------------------------------------