Gahunda — Page 9

Urubuga rw’Abakuru b’Amashyaka LIVE ku Ijwi Rya Rubanda buri wa gatandatu nimugoroba

February 21, 2013 By Simeon Leave a Comment

Buri wa gatandatu, kuva saa 18:00 kugeza saa 20:30 isaha y'i London, ni umwanya Radiyo Ijwi Rya Rubanda yageneye guha ijambo abayobozi b'amashyaka, maze bakaganira EN DIRECT n'abanyarwanda baba bafite ibibazo bashaka kubabaza ku matwara, imiterere, ingamba, ibikorwa, gahunda... by'amashyaka yabo.

Nta mukuru w'ishyaka (yaba FPR-Inkotanyi riri ku butegetsi yaba iriri muri opozisiyo rikorera mu Rwanda cyangwa mu mahanga) dushobora guhatira gufata ijambo no gusubiza ibibazo cyangwa kujya impaka n'abanyarwanda. Tuzabaha ijambo ari uko babishaka kandi babisabye. Nta n'umwe kandi tuzima guha urubuga abishatse.

Umukuru w'ishyaka wifuza guhabwa urubuga ku wa gatandatu agomba kubivuga hakiri kare, mbere yo kuwa kane w'icyumweru yifuza kuvugiraho, kugira ngo dupange neza gahunda kandi tubone umwanya wo kubimenyesha abanyarwanda batega amatwi Radio Ijwi Rya Rubanda.

Abandi banyamashyaka (abatari abayobozi b'amashyaka) bifuza kubona urubuga LIVE kuri Radiyo Ijwi Rya Rubanda nabo bazaruhabwa, ariko ku yindi minsi.

Twizere ko iyi gahunda ya Radiyo Ijwi Rya Rubanda izafasha cyane abanyamashyaka kugeza neza ibitekerezo byabo ku banyarwanda no kubatega amatwi kugira ngo bibafashe kugorora aho byaba ngombwa no gushyira mu bikorwa hakiri kare imikorere ya kidemokarasi twese duharanira. Izadufasha no kumenya abanyapolitiki bihisha rubanda cyangwa batinya demokarasi. Igihe kirageze cyo kwitoza kuvangura icyatsi n'ururo.

Umuyobozi w’ishyaka ISANGANO Minani JMV kuri Radio Ijwi Rya Rubanda

February 21, 2013 By Simeon Leave a Comment

2013-02-21 - Kuri uyu mugoroba, kuva saa 18:00 isaha y'i London, ni ukuvuga saa 19:00 isaha yo mu Bubiligi, Ubufaransa, Ubuholandi, Ubudage... cyangwa 20.00 isaha yo mu Rwanda, Uburundi, Mozambique etc..., haraba urubuga buri wese ashobora kwisanzuramo agafata ijambo. Muri urwo rubuga, umutumirwa wa Radiyo Ijwi Rya Rubanda mushobora guhata ibibazo ni Bwana Minani Johani Mariya Vianney, Perezida w'ishyaka ISANGANO-ARRDC.

Mushobora kuri bumubaze ibibazo byose mushaka, cyane cyane ku birebana n'imibereho ye, inyandiko ze n'ishyaka ayobora.

Twizere ko muryoherwa n'ibiganiro by'uyu mugoroba kandi ko mukoresha uburenganzira bwanyu bwo gufata ijambo mukavuga ikibari ku mutima. Ni bumwe mu buryo bwo kwitoza kwungurana ibitekerezo no kugendera ku mikorere ya kidemokarasi.

Ibisubizo byatanzwe na Padiri Tomasi Nahimana, umuyobozi w’Ishyaka Ishema ry’u Rwanda

February 12, 2013 By Simeon Leave a Comment

2013-02-12 - Ikiganiro cyatanzwe na Padiri Tomasi Nahimana kuwa gatandatu igihe yasubizaga en direct ibibazo by'abanyarwanda kuri Radio Ijwi Rya Rubanda cyakurikiwe n'abantu benshi. Hari abatarashoboye kugikurikira basabye ko twakigarura kugira ngo bumve ibisubizo yatanze ku bibazo byabajijwe. Hari n'abagikurikiye bifuza kugisesengura kugira ngo babone uko bazamuhata ibindi bibazo ubutaha cyangwa bafate umwanzuro ndakuka wo kuyoboka no gushyigikira ishyaka Ishema ry'u Rwanda.

Kuri uyu mugoroba rero, kuva mu ma 18h isaha y'i London, ni ukuvuga saa 20h isaha y'i Kigali, turabagezaho ibyavugiwe muri icyo kiganiro.

Nizere ko ibisubizo yabahaye byabanyuze, kandi n'abagifite ibindi bibazo bashaka kumubaza nabo bashobora kubitondeka, bakazabimubaza en direct ku wa gatandatu 17/02/2013 nimugoroba kuva saa 18h isaha y'i London, cyangwa bakabyoherereza Radiyo Ijwi Rya Rubanda ikazabimubabariza.

Mugire umunsi mwiza.

Gahunda yo gushyigikira Intwari Madamu Victoire Ingabire

October 16, 2012 By Simeon Leave a Comment

Twegerane. Ni igihe cyo kwongera guhurira hamwe, tugashyigikira Intwari Madamu Victoire Ingabire Umuhoza, Umuyobozi w'Ishyaka FDU-Inkingi.

Tega amatwi:
Bwana Joseph Bukeye arasobanura gahunda yo gushyigikira Intwari Madamu Victoire Ingabire.

Tuributsa ko kuri uyu wa gatanu tariki ya 19/10 aribwo Urukiko rw'Ikirenga ruteganya gusoma urubanza Madamu Ingabire yaregeye asaba ko amategeko adakurikiza itegeko nshinga ry'u Rwanda yaseswa.

Kuri uwo munsi rero, kuwa gatanu rero tariki ya 19/10, hazaba sit-in i Buruseli imbere ya Ambasade y'u Rwanda kuva saa yine, naho bukeye bwaho kuwa gatandatu tariki ya 20/10 habe kandi urugendo rwo gushyigikira Madamu Victoire Ingabire ruzatangirira kuri Rond-Point Montgomery kuva saa saba rugasorezwa imbere ya Ambasade y'u Rwanda.