Gahunda — Page 8

Amabonekerwa – Ubutumwa Yezu na Bikira Mariya bahaye Valentine Nyiramukiza vuba aha

April 27, 2013 By Simeon Leave a Comment

Valentine Nyiramukiza abonekerwa

Hari benshi basabye ko nakwongera kubanyuriza kuri radiyo ikiganiro Bwana Callixte Nsenga aherutse gutanga avuga ku butumwa Yezu n'Umubyeyi Bikira Mariya bahaye Valentine, harimo ibyo bamuhishuriye ku byagombaga kubera i New York no ku birebana na Papa mushya wa Kiliziya Gatolika.

Icyo kiganiro kirimo ibice bibiri. Igice cya mbere kizatangira kuri Radiyo Ijwi Rya Rubanda ejo ku cyumweru saa 12:10 isaha y'i London, ni ukuvuga saa 13:10 isaha y'i Kigali, Bujumbura, Buruseli, Paris etc... Igice cya kabiri kizaza gikurikiye icya mbere, gitangire saa 13:10 isaha y'i London.
Muzagire ibihe byiza.

Padiri Thomas Nahimana aratubwira uko inama y’i Bruseli ku kibazo cy’impunzi z’Abanyarwanda yagenze

April 21, 2013 By Simeon Leave a Comment

Kuri uyu mugoroba kuri Radiyo Ijwi Rya Rubanda, mu mwanya wagenewe Urubuga Rwa Twese, Padiri Thomas Nahimana aratugezaho uko inama yabereye i Buruseli ku kibazo cy'impunzi yagenze. Abafite ibibazo bashaka kubaza barabona urubuga ruhagije bwo kubimubaza en direct.

Ikiganiro Urubuga Rwa Twese ruratangira saa 18:00 isaha y'i London (ni ukuvuga saa 19:00 isaha y'i Kigali) nk'uko bisanzwe.

Nizere ko impunzi zose zishishikarira kumenya imyanzuro yavuye muri iyo nama no kumenya icyo buri wese ashobora gukora kugira ngo ibintu bihinduke ku buryo twifuza.

Madamu Nadine Claire Kasinge arasobanura porogaramu y’ishyaka Ishema kuri uyu mugoroba

March 6, 2013 By Simeon Leave a Comment

Mme Nadine Claire Kasinge, Umunyamabanga Mukuru wungirije w'ishyaka Ishema ry'u Rwanda.

None kuwa gatatu tariki ya 06/03/2013, kuva saa 18:00 isaha y'i London, ni ukuvuga saa 20:00 isaha y'i Kigali, mu mwanya wagenewe URUBUGA RWA TWESE, turaha Madamu Nadine Claire Kasinge ijambo ageze ku banyarwanda ibisobanuro kuri porogaramu y'ibikorwa ishyaka ISHEMA abereye umwe mu bayobozi rivuga ko riteganya kuzakora nirimara kugera ku butegetsi mu Rwanda.

Ababishaka bose bashobora kumubaza ibibazo EN DIRECT no kumusobanuza aho bashobora kuba batumvise neza cyangwa bakamuha ibitekerezo byabo ku byo babona bikwiriye kugororwa, kuvanwa cyangwa kwongerwa muri iyo porogaramu basaba abanyarwanda gushyigikira.

Umuyobozi Twagirimana Boniface wa FDU-Inkingi kuri Radio Ijwi Rya Rubanda

March 2, 2013 By Simeon Leave a Comment

Gahunda y'URUBUGA RWA TWESE ku wa gatandatu 09/03/2013

Mu mwanya w'ibiganiro EN DIRECT bigenewe Abakuru b'Amashyaka, umutumire wa Radiyo Ijwi Rya Rubanda kuwa gatandatu tariki ya 09/03/2013 ni Bwana TWAGIRIMANA Boniface, Visi-Perezida w'Ishyaka FDU-Inkingi. Nk'uko bisanzwe, buri wese ubishaka azaba afite uburenganzira bwo guhamagara muri situdiyo ya Radiyo Ijwi Rya Rubanda akamubaza ibibazo byose yifuza kubaza ku shyaka FDU-Inkingi no ku buryo riteganya kuvana abanyarwanda mu gihirahiro bashyizwemo na FPR-Inkotanyi.

Ikiganiro kizatangira saa 18:00 y'i London nk'uko bisanzwe. Niba ushaka kumenya isaha iyo ariyo aho utuye, wareba kuri Time Zone Converter.