Gahunda ya Leta yo kubuza abaturage guhinga ibyo bashaka ikabahatira guhinga igihingwa Leta yahisemo ishonjesheje cyane abaturage. Muri iki kiganiro, turumva ingorane abaturage bo mu ntara y'iburasirazuba n'amajyaruguru bafite, aho bategekwa guhinga ibigori gusa. Nko mu karere ka Nyabihu, Musanze na Burera, hari hasanzwe hera ibirayi ku buryo basaguriraga n'utundi turere. None ubu, abaturage kugira ngo barye ikirayi ni ukugomba kukigura, kandi n'amafaranga bahabwa ku bigori ari intica ntikize. Bababujije no guhinga amasaka kandi yari asanzwe ahera neza kandi yari abafatiye runini.
Ingaruka z'inzara n'imirire mibi biterwa na politiki mbi ya Leta ziragaragara rwose muri utwo turere. Bigeze aho abaturage barya ibiheri by'ibigori bivuye mu ruganda byagenewe amatungo kugira ngo baramuke.
Ni abo gutabarirwa.