Baziruwiha Marianne

Tuganire na Madamu Marianne Baziruwiha (3) – Ese Rudasingwa yatanze urugero rw’uko basaba imbabazi uwahemukiwe n’uko biyunga?

September 28, 2013 By Simeon Leave a Comment

Tuganire na Madamu Marianne Baziruwiha, Umudiplomate wandagajwe nabi cyane n'Inkotanyi Ambasaderi Rudasingwa Theogene

Uko Rudasingwa yasabye imbabazi ku buhemu yagiriye Madamu Baziruwiha Marianne n'abana be. Isomo Rudasingwa aduha ku birebana n'ubwiyunge.

Tega amatwi:
Madamu Baziruwiha Marianne atubwira ku buryo Rudasingwa Theogene yamusabye imbabazi n'isomo twakuramo.

Mu gice cya 2 cy'ikiganiro Madamu Baziruwiha yagiranye na Radiyo Ijwi Rya Rubanda (reba: Tuganire na Madamu Marianne Baziruwiha (2): ukuntu Rudasingwa Theogene yamujugunye ku muhanda n’abana be), yatweretse neza ubugome, agasuzuguro n'itekinika inkotanyi Theogene Rudasingwa yakoresheje asuka hanze Madamu Baziruwiha n'abana be igihe uwo Rudasingwa yari Ambasaderi w'u Rwanda muri Leta Zunze Ubumwe za Amerika. Birenze ukwemera.

Theogene Rudasingwa

Marianne Baziruwiha

Biragaragara ko no mu mahanga, inkotanyi Rudasingwa yashoboraga kwica agakiza.
Hari abavuze ko yari nk'ikigirwamana. Neza neza nk'uko Kagame ameze.
Hagati aho, hari yenda uwakwijijisha arengera inkotanyi Rudasingwa, akaba yabaza ati:
Ese ubundi ko akazi atari ubukonde, hari igitangaza kirimo kuvanwa ku kazi mu gihe abagukoreshaga batakigukeneye?
Kuki se Baziruwiha yabigira birebire nk'aho kuvanwa ku kazi ari ibintu bidasanzwe?
Umuntu yakwibaza kandi ati:
Kuki se Rudasingwa amaze gushinga ishyaka ry'inkotanyi ngo zitakivuga rumwe na Kagame yumvise ari ngombwa gushaka gusaba imbabazi no kwiyunga na Madame Baziruwiha?
Ubwo bwiyunge bwari bugamije iki?
Harimo mutwe ki?
Bwakozwe bute?
Ubu rero byifashe bite?
Isomo twakura muri ubwo bwiyunge bwa Rudasingwa na Baziruwiha ni irihe?

Madamu Marianne Baziruwiha arakomeza kudutekerereza uko byagenze n'uko bimeze ubu.

Tuganire na Madamu Marianne Baziruwiha (2): ukuntu Rudasingwa Theogene yamujugunye ku muhanda n’abana be

September 28, 2013 By Simeon 1 Comment

Madamu Baziruwiha Marianne aradutekerereza ukuntu Rudasingwa Theogene yamujugunye ku muhanda n'abana be

Tega amatwi:
Madamu Baziruwiha Marianne atubwira uko Rudasingwa Theogene yamujugunye ku muhanda n'abana be.

Iki ni igice cya 2 cy'ikiganiro Radiyo Ijwi Rya Rubanda yagiranye na Madamu Marianne Baziruwiha wahoze ari conseiller wa 2 muri Ambasade y'u Rwanda muri Leta Zunze Ubumwe za Amerika.
Ese koko Madamu Baziruwiha yirukanwe nabi ku kazi yakoraga muri ambasade y'u Rwanda?
Theogene Rudasingwa wari Ambasaderi yamwirukanye ate?
Yamujijije iki?
Byagenze bite?
Yakurikije amategeko agena iyirukanwa ry'abakozi ba Leta cyangwa yakurikije gusa ya mategeko yanditse mu mitima y'inkotanyi?
Ministeri y'Ububanyi n'Amahanga yari yamwohereje ku kazi yabivuzeho iki?
Ministeri ishinzwe abakozi ba Leta yabivuzeho iki?
Perezida wa Republika yabivuzeho iki?
Nyuma se byaje kugenda bite?
Ubu se icyo kibazo cyarakemuwe?

Madamu Marianne Baziruwiha aratumara amatsiko.

Ushaka kwumva igice cya mbere ajya kuri: Tuganire na Madamu Marianne Baziruwiha, Umudiplomate wandagajwe nabi cyane n’Inkotanyi Ambasaderi Rudasingwa Theogene (1)

Tuganire na Madamu Marianne Baziruwiha, Umudiplomate wandagajwe nabi cyane n’Inkotanyi Ambasaderi Rudasingwa Theogene (1)

September 28, 2013 By Simeon 2 Comments

Madamu Marianne Baziruwiha aratwibwira

Tega amatwi:
Madamu Marianne Baziruwiha atwibwira kandi atubwira muri make amateka ye.

Mu gihe gishize, abakunze gukurikira amakuru asohoka mu binyamakuru byandika ku Rwanda bakurikiye inkuru y'umudamu Marianne Baziruwiha, wari umudiplomate muri Ambasade y'u Rwanda muri Leta Zunze Ubumwe za Amerika, hanyuma Bwana Theogene Rudasingwa wari Ambasaderi amusuka hanze ku muhanda (sic) avuga ngo ni umuhutukazi aramunukira.
Andi makuru yavugaga ko Rudasingwa n'uwo mudamu Baziruwiha biyunze, ko rwose nta kibazo kikiri hagati yabo bombi.

Madamu Marianne Baziruwiha

Kugira ngo abantu badakomeza kugendera ku bihuha, Radio Ijwi Rya Rubanda yashatse kumenya amateka y'uwo mudamu Marianne Baziruwiha haba mu gihe cy'ubutegetsi bwa nyakwigendera Yuvenali Habyarimana, haba na nyuma y'aho Inkotanyi zifatiye ubutegetsi zikamwohereza kuba umwe mu ba diplomate bahagararira u Rwanda muri Leta Zunze Ubumwe za Amerika.

Mbere yo kureba ibyo bibazo birebana n'ukuntu yahagaritswe ku mirimo yari ashinzwe muri ambasade i Washington, hari ibibazo bimwe abantu bashobora kumwibazaho twakenera ko adusubiza:
Baziruwiha yari muntu ki? Yize ibiki?
Yakoraga iki mu gihe cy'intambara?
Mu rwego rwa politiki se, yari mu gihe gipande?
Inkotanyi zubura imirwano mu kwezi kwa kane 94, Baziruwiha yari he?
Umutekano we n'uw'abe wo se wari umeze ute icyo gihe? Yagiye kuba mu kigo cya FPR-Inkotanyi ku Mulindi bigenze bite?
Byagenze bite kugira ngo Inkotanyi zikimara gufata ubutegetsi zimuhe umwanya wo kuba Conseiller wa 2 muri Ambasade y'u Rwanda muri Leta Zunze Ubumwe za Amerika?
Madamu Marianne Baziruwiha aratwibwira kandi atumare amatsiko kuri ibyo bibazo.

Gahunda 27/09/2013-kuva 18h: Theogene Rudasingwa na Marianne Baziruwiha – Aho Ubwiyunge bwabo ntibwatubera isomo?

September 27, 2013 By Simeon Leave a Comment

Gahunda y'Urubuga Rwa Twese rwo kuri uyu wa 5 tariki ya 27/09/2013.

Theogene Rudasingwa na Marianne Baziruwiha: Aho Ubwiyunge bwabo ntibwatubera isomo?

Mushobora kuba mwarumvise inkuru y'umudamu Marianne Baziruwiha, wari conseiller wa 2 muri Ambasade y'u Rwanda i Washington hanyuma akaza gusukwa hanze na Ambasaderi wariyo icyo gihe ariwe muganga-majoro mu ngabo z'inkotanyi, Theogene Rudasingwa.
Ibinyamakuru byo mu Rwanda biherutse kwandika iyo nkuru bivuga ko Theogene Rudasingwa yigambye ko yajugunye uwo mudiplomate n'abana be ku muhanda avuga ngo ni umuhutukazi wamunukiraga.
Birumvikana rwose ko ibyo bintu ari ibintu birenze ukwemera, ku buryo uwabyumva wese yakwumva ko ari urubwa ibyo binyamakuru byandikirwa mu Rwanda byashatse kumutera.
Kubera ariko ko byavuzwe cyane ko Theogene Rudasingwa yasabye Mmu Marianne Baziruwiha imbabazi, Radiyo IRR yashatse kumenya neza niba koko Rudasingwa yarahemukiye Marianne n'uburyo yamuhemukiyeho, niba yarabyemeye kandi akabisabira imbabazi, niba ubu bariyunze n'ukuntu babigenje kugira ngo bibe byabera isomo n'abandi baba bashaka inzira zo kwiyunga kubyo baba barahemukiranyeho.
Radio IRR yabajije Madamu Baziruwiha uko byagenze n'icyo abitekerezaho, isaba na Theogene Rudasingwa kutubwira nawe by'impamo uko byagenze n'icyo atekereza ku bikimwandikwaho bijyana n'iyo dosiye ya Marianne Baziruwiha.
Ibyo twasobanuriwe n'abo bombi turabibagezaho mu Urubuga Rwa Twese rwo kuri uyu wa gatanu tariki ya 27/09/2013 rutangira saa 18h isaha y'i London, ni ukuvuga saa 19h isaha y'i Kigali. Nyuma yo kubagezaho ibyo Marianne Baziruwiha na Theogene Rudasingwa babwiye Radio Ijwi Rya Rubanda, tuzaha umwanya abashaka gufata ijambo, maze bagire icyo babivugaho kandi ababyifuza bagire ibibazo bakwibariza Madamu Marianne Baziruwiha, bo ubwabo, en direct nk'uko bisanzwe mu Urubuga Rwa Twese.
Ni kuri uyu wagatanu rero mu Urubuga Rwa Twese, guhera saa 18h isaha y'i London ni ukuvuga saa 19h isaha y'i Kigali.