Uko Mbona Iby'Umwicanyi Rutayomba n'Imyitwarire ya Padiri Nahimana ku Nzirakarengane z'Abahutu
byanditswe na Johani Batista Nibobose.

Mu minsi ishize,
- nateze amatwi amagambo Rutayomba yavugiye kuri Radio Itahuka yita abahutu muri rusange abicanyi,
- nakurikiye ibiganiro byabaye ku maradiyo Ubumwe n'Ijwi Rya Rubanda abababajwe n'ayo magambo bamagana Rutayomba kandi bamugira inama yo kwicuza,
- ntega amatwi komanteri Padiri Thomas Nahimana yatanze nyuma y'aho kuri Rutayomba no ku mvugo ye,
- nongera gutega amatwi ijambo rya Simeon wo ku Ijwi Rya Rubanda yibaza ku mvugo n'imyitwarire mishya ya Padiri Nahimana
- ngera n'ubwo nkurikira ikiganiro-mpaka kuri Radiyo Ijwi Rya Rubanda cyarimo Padiri Thomas n'abandi benshi...
Ibyo byose byatumye nibaza byinshi, maze numva nshaka kugira icyo mvuga kuri abo bagabo bombi Rutayomba na Padiri Thomas Nahimana.

1. Rutayomba Theogene

Rutayomba numvise abamuzi bavuga ko yirata avuga ko ari umwicanyi ruharwa, ko we wenyine yishye Abahutu b'inzirakarengane ibihumbi bine ! Avuga ko Abatutsi bapfuye, batishwe n'Interahamwe, ko ngo bishwe n'Abahutu bagera kuri 80%.
Impamvu arwana ku Interahamwe ni uko azi ko umugambi wo gushinga urubyiruko rw'Amashyaka mu Rwanda, ko wakozwe n'Inkotanyi zateganyaga kurukoresha, nk'uko zari zakoresheje ba Kadogo, mu ntambara barwanye yo kwambura Abaganda igihugu cyabo.
Ni nayo mpamvu Prezida w'Interahamwe n'uwari umwungirije, bombi bari n'Inkotanyi.

Aloys Ruyenzi warindaga umutekano wa Kagame Pawulo, abivuga neza ko Interahamwe zakoreraga Inkotanyi-Kagame

Kuba Rutayomba agenda yirata avuga ko yishye inzirakarengane z'Abahutu zitabarika, aratugaragariza ko ari umwe muri bene Sekibi Yezu Kristu atubwira muri Yohani 8,39-50. Aba bene Sekinyoma, "Ubabyara koko ni Sekibi,...Kuva mu ntangiriro yamye ari umwicanyi, kandi ntiyigeze aba mu kuri, kuko atigeze atunga ukuri. Igihe avuga ibinyoma,avuga ibiri ibye, kuko yamye ari umubeshyi, ndetse akaba na Sekinyoma."

Ishyano ryagwiriye u Rwanda n'Abanyarwanda, ni uko mu bwoko bw'abavandimwe bacu b'abatutsi, abahisemo kuba bene Sekibi aribo biyicaza ku ntebe y'ubutegetsi !
Ababanje baje bambaye impu z'intama kandi ari ibirura, Abami b'Abahutu babakiranye urukundo n'impuhwe.
Ntibyatinze, bene Sekibi ariwe Sekinyoma biyambuye rwa ruhu rw'Intama maze gutsemba Abami b'Abahutu bari babakiranye urukundo, niko kwigarurira n'ibyabo byose.
Bamaze kwica Abami b'Abahutu no kwigarurira ibyabo, biyita Ibimanuka, bashinga politike ishingiye kur'ibi bikurikira: Ubugome, Ikinyoma, Umururumba wo Kwikubira byose, Politike irangwa n'Ubutiriganya n'Uburyarya.
Ikinyoma aba aricyo bita Ubwenge !

Rutayomba,wishimira ko yashoboye kwica Abahutu benshi, ni uwo gusabirwa kuko Sekibi, Sekinyoma ariwe Shitani, Rusofero yahisemo gukorera, mu byaremwe byose niwe Mutindi Nyakujya.
Icyo Rutayomba azahembwa n'uwo yiyemeje gukorera, ni urupfu rw'iteka.
Ngiyo impamvu akwiye gusabirwa.

2. Padiri Thomas Nahimana

Padiri Thomas ndamushimira ko agerageza gukora ibyo ashoboye.
Sinzi niba mbere yo kuza mu kiganiro nka kiriya, umuntu abanza guhabwa ibyo ari buze kubazwa ngo abanze abisesengure.
Niba ari ko bigenda, Padiri agomba kuba atarabonye ko kiriya kibazo kiremereye.
Kuba Rutayomba ashimishwa no kumvisha inshuti ze ko ari intwari idashyikirwa we washoboye kwica abakecuru n'abasaza, akica ibiburamaguru na ba Ndinda-mawe b'abahutu ngo bari mu bihumbi bine, bigaragaza ko ubu ari kuruhuka ko nyuma azakomeza kuko uwo murimo we umushimisha.

Padiri Thomas, aho gusubiza ikibazo yari abajiwe, yagiye muri ya politike ya Prezida Yuvenali Habyarimana y'Ubumwe n'Amahoro, yarangijwe no kumuhanura, bakamucuza ubuzima we ubwe n'ubw'imbaga itabarika y'Abanyarwanda.
Politike ya Prezida Habyarimana nyigereranya n'akenda k'umweru kererenaga cyane, kari gatwikiye igisebe cy' umufunzo.

Igisebe cy'umufunzo ni kanseri.
Uko Abanyarwanda kera bakivuraga: Bashyiraga icumu mu muriro maze ryamara gutukura bakarishyira kuri cya gisebe bagashiriza, ni uko kanseri igakira. Murumva ko umuntu yababazwaga n'abamukunda bagamije kumukiza iyo kanseri.
Uku ni nako bavura ababaga bakomerekeye ku rugamba.
Uwabaga yatikuwe icumu, banyuzaga icumu riri kwaka umuriro mu gikomere.

Ukuri nako kubabaza nk'icumu ririkwaka umuriro, ariko ukubwirwa ni inshuti.
Ugukunda agukanda ikibyimba aho cyaba kiri hose.
Akubabaza agamije kugukiza.
Politiki ya Prezida Habyarimana yabaye iyo gushishira ikibyimba aho kugisatura ngo kigakurwamo amashira ubu twamenye ibyayo, ntitugomba kuyikomeza.

Abanyarwanda niba dushaka kubaho no kubana mu mahoro tugomba kwicara hamwe tukomorana ibikomere.
Ntagukomeza kubakira kuri politiki y'ikinyoma.
Muhutu, umututsi uzanga kukubwiza ukuri ngo atakubabaza, azaba ari umwanzi wawe.
Nawe Mututsi, umuhutu utazakubwiza ukuri ngo atakubabaza, uwo ujye umubara mu banzi bawe.

3. Inama y'Imana.

Aya magambo yabwiwe Padiri Thomas Nahimana, si aye gusa.
Ni umuti ushaririye cyane, umuhutu wese utabona ko bugarijwe na bene Sekibi, agatsiko k'Amabandi y'abicanyi, gakora amahano mu izina ry'ubwoko bw'abatutsi, yagombye kugangahurwa n'uyu muti Simeon yavuguse.

Buri wese nazirikane iyi nama Pawulo Mutagatifu atugira agira ati "Ahasigaye rero,nimugire ubutwari muri Nyagasani, mugire imbaraga ze zibashoboza byose. Nimwambare intwaro zikomoka ku Mana, kugira ngo mubashe guhangara imitego ya Sekibi. Erega abanzi turwana si abantu, ahubwo abo turwana ni Ibikomangoma, n'Ibihangange, n'Abagenga b'iyi si y'umwijima, n'izindi roho mbi zo mukirere. Ni uko rero nimwitwaze intwaro z'Imana, kugira ngo muzashobore gukomera kumunsi mubi, muzatsinde mudacyogoye." Efez.6,10-13.
(Mwene Siraki 11,29-33;12, Siraki 12,8-18 + Umuti watuvuguteye ujanye na Siraki 30,1-13)

Yohani Batista"Abonye Abafarizayi n'Abasaduseyi benshi baje kubatizwa, arababwira ati "Mwa nyoko z'impiri mwe, ni nde wababwirije guhunga uburakari bwegereje ? Noneho nimugaragaze imigenzereze ikwiranye n'ukwisubiraho nyako !" Mat 3,7-8
Yezu Christu nawe ati "Mwa nzoka mwe, mwanyoko z'impiri mwe, muzarokoka mute igihano cy'umuriro w'iteka ?" Mt 23,33
Iyi mvugo ikomeye Yohani na Yezu bakoresha hano, igamije gukangura abantu. Ni imvugo ivuye ku mutima ukunda by'ukuri.
Yohani na Yezu ntibifuza ko hagira n'umwe utakara. Ni imvugo idusaba kureka kudakomeza guteta mu bikomeye.

Umuhanuzi ashinzwe kuburira Israheli.
Nyuma y'iminsi irindwi, Uhoraho ambwira iri jambo, ati "Mwana w'umuntu, nagushyiriyeho kuburira umuryango wa Israheli. Igihe rero uzaba wumvise ijambo rivuye mu kanwa kanjye, ujye ubaburira mu kigwi cyanjye.
Nindamuka mbwiye Umugome nti 'Ugiye gupfa', maze ntumuburire, ntugire icyo umubwira kugira ngo areke imyifatire ye mibi maze abeho, uwo mugome azapfa azize amakosa ye, ariko ni wowe nzaryoza amaraso ye.
Naho nuramuka uburiye uwo mugome, ariko ntahinduke ngo azibukire ubugome bwe n'imyifatire ye mibi, azapfa azize amakosa ye, nyamara wowe uzaba ukijije ubugingo bwawe.
Niba umuntu w'intungane ateshutse ku butungane bwe agakora ikibi maze nkamutega umutego, azapfa kuko utamuburiye. Azapfa azize icyaha cye ntan'ukwibuka ubutungane yagize, ariko ni wowe nzaryoza amaraso ye.
Nyamara nuburira intungane ngo idacumura kandi nticumure, izabaho ibikesha ko yaburiwe, kandi nawe uzaba ukijije ubugingo bwawe." Ezekiyeli 3, 16-21.

"Imana iravuga iti "Noneho duhange Muntu mu ishusho ryacu, mu misusire yacu, maze ategeke ifi zo munyanja, ibiguruka byo mu kirere, inyamaswa zitungwa n'izo mu shyamba, n'intondagizi zose. Ni uko Imana irema Muntu mu ishusho ryayo, imurema mu ishusho ry'Imana; ibarema ari umugabo n'umugore." Intangiriro 1,26-27.
Umuhanuzi nyamuhanuzi utitumirije agomba kurwana kuri iyi shusho ry'Ubumana umuntu wese yaremwemo.
Bitabaye ibyo, azabiryozwa.

Kubona umuntu akora icyaha ntumubwire ko ari gukora nabi, ni nko gusanga umuntu yaguye mu ruzi ntumurohore kandi ubishoboye.
Umurimo w'Umuhanuzi ni ukwibutsa buri wese ububi bw'icyaha, n'impamvu agomba kugihunga.
Hano, Mwene Siraki atubwira impamvu tugomba guhunga icyaha atugira ati "Mwana wanjye se waba waracumuye ? Ntuzongere, ahubwo usabe imbabazi z'ibyaha wakoze.Jya uhunga icyaha nk'uko umuntu ahunga inzoka, kuko nucyegera, kizakuruma; n'amenyo yacyo ni nk'ayintare acuza abantu ubuzima. Ubuhemu bwose, ni nk'inkota itsyaye impande zombi,kandi igikomere cyabwo nticyomorwa." Siraki 21,1-3

Kenshi iyo umuntu atibukijwe ko ibyo ari gukora atari byiza, akomeza gutekereza ko nta kibazo, bigatuma atisubiraho ngo yicuze.

Icyiza Padiri Nahimana yagombye gukorera mucuti we, ni ukumubwiza ukuri. Akamubwira ko igikorwa cye, cy'ubunyamaswa cyo kurimbura inzirakarengane z'Abahutu, ko cyababaje Imana kandi kikayirakaza. Ko rero, yakizwa icyo gikorwa cye cy'ubunyamaswa no kwisubiraho akicuza abivanye mu bice byose by'umutima.

Johani Batista Nibobose.
Gicurasi 2020.

-----------------------------------------

Summary:

After having followed closely the debates on different radio channels (Itahuka, Ijwi Rya Rubanda, Ubumwe and Umutaripfana recently renamed Ijurunisi) provoked by the anti-Hutu racist remarks uttered by the notorious mass killer Theogene Rutayomba, one of our listeners asked us to publish his comments about the said ex-officer of the genocidal army of Paul Kagame and about the priest-cum-politician Thomas Nahimana.
The author of these comments, Jean Baptiste Nibobose, gives advice to these two fellow citizens and he hopes that they will not neglect them and that they make an effort to profit from them.

Ijwi Rya Rubanda.

INTABAZA YEREKANA AHO U RWANDA RWAGANA ABARWANYA INGOMA MPOTOZI YA FPR INKOTANYI BATERERANYE RUBANDA
byanditswe na Maniragena Valensi na Nzeyimana Ambrozi.

Duhereye ku mateka y'igihugu cyacu, hari ibimenyetso bigaragara byerakana ko niba nta gihindutse mu maguru mashya, abanyarwanda bashobora kwibona mu bintu byibutsa imyaka ya 1959-1961, n'imyaka ya 1990-1994.

Kuva aho umwami Mutara III Rudahigwa yangiye guha agaciro ibitekerezo yari yagejejweho n'impirimbanyi za demokarasi byari bikubiye mu nyandiko izwi ku izina rya “Manifeste des Bahutu” yerekanaga akarengane abenegihugu barimo, Kigeri V Ndahindurwa wamusimbuye mu mwaka w'1959 akadukana ahubwo urugomo rwo kwica izo mpirimbanyi, byarangiye byose ubwami buciwe, hashingwa Repubulika.

Repubulika imaze gushingwa, abatarishimiye ishingwa ryayo bahunze igihugu ndetse barema n'umutwe w'ingabo wo kurwanya iyo Repubulika uzwi ku izina “Inyenzi”. Igihe ubutegetsi bwa Repubulika bwari buri mu biganza by'impirimbanyi zishyize hamwe, bwabashije gukumira ibitero by'inyenzi.

Nyuma y'imyaka 25 u Rwanda rubonye ubwigenge, bamwe mu bahunze igihugu mu myaka ya 1959-1961 bavuguruye ishyaka ryari irya Kigeri V Ndahindurwa baryita RANU, ari na ryo ryaje guhinduka FPR Inkotanyi ubwo bateraga u Rwanda mu mwaka w'1990.

Intambara y'Inkotanyi zishaka gufata no kwiharira ubutegetsi mu Rwanda kuva mu kwakira 1990 kugeza 1994 yaranzwe n'ibi bikurikira:

• Ubwumvikane buke mu bari imbere mu gihugu cyane cyane nyuma y'aho amashyaka menshi yemerewe;
• Ingorane z'ubutegetsi bwa Habyarimana zo kurwana intambara ebyiri icyarimwe: iy'amasasu n'iya demokarasi;
• Ubufatanye hagati y'abateye u Rwanda na ba mpatsibihugu bashakaga ko inyungu zabo mu karere zakwitabwaho kurushaho;
• Ibikorwa by'iterabwoba mu gihugu n'urugomo byakozwe na FPR Inkotanyi hagamijwe gutera ubwoba abanyarwanda muri rusange n'abanyapolitiki by'unwihariko;
• Iyicwa rya bamwe mu banyapolitiki b'abanyarwanda ryashojwe n'iyicwa rya Perezida Habyarimana kuya 6 Mata 1994 hagamijwe gushyira igihugu mu kangaratete kugira ngo FPR Inkotanyi ishobore gufata ubutegetsi nta nkomyi.

Kuva Inkotanyi zafata ubutegetsi i Kigali muri Nyakanga 1994, ntizahwemye gukora ibikorwa by'iterabwoba, haba mu gihugu imbere ndetse no hanze, zica abo zibona bose bazibangamiye kubera ibitekerezo byabo byo kubanisha abanyarwanda mu mahoro n'ubwumvikane.

Uretse kwica zakomeje n'ibikorwa byo gufunga inzirakarengane zizira gutekereza ku buryo bunyuranye n'ubw'Inkotanyi.

Nko mu gihe bicaga Gapyisi Emmanuel (18.05.1993) ubwo yahamagariraga abanyarwanda bari imbere mu gihugu gushyira hamwe ngo bivune FPR Inkotanyi yari yabashoye mu ntambara bakicana ari abavandimwe, niko bishe umuhanzi Kizito Mihigo (17.02.2020) wahamagariraga abanyarwanda bose kwiyunga nyabyo kugira ngo babashe guhangana n'ibibazo baterwa n'ubutegetsi bubi.

Uko Mbonyumutwa Dominiko yakubiswe muri 1959, ba Secyugu na ba Mukwiye bakicwa, niko ubu abayoboke b'amashyaka arwanya FPR Inkotanyi bicwa cyangwa bakagaraguzwa agati.

Nkuko ihohoterwa ryakorewe Mbonyumutwa Dominiko n'iyicwa ry'abarwanashyaka byatumye ubwami buseswa hakavuka Repubulika;

Nkuko kandi iyicwa rya ba Gapyisi Emmanuel (MDR, perezida wa komisiyo y'iteganyamigambi), Rwambuka Fideli (MRND, Burugumesitiri wa komini Kanzenze), Gatabazi Felisiyani (PSD, Minisitiri w'ibikorwa bya Leta), Bucyana Martini (CDR, Perezida w'ishyaka) na Perezida Habyarimana n'abo bari kumwe mu ndege byatumye abanyarwanda bicwa ari benshi bitari ngombwa;

Ihohoterwa rikomeje ry'abanyapolitiki batavuga rumwe na FPR Inkotanyi n'iyicwa rubozo rya bamwe muri bo bishobora gutuma igihugu kijya mu ijoro ry'icuraburindi risumba iryakigwiriye muri 1994.

Dukurikije iyi mikorere yaranze abarunari ikaba ubu iranga FPR Inkotanyi, yo kwanga ko abanyarwanda bakumvikana bakareshya imbere y'amategeko;

Tuzirikanye urugomo rukabije ruyiranga ubu rugaragarira mu kugaraguza agati madamu Ingabire Victoire, Me Ntaganda Bernard n'abandi banyapolitiki no kwica abayoboke b'amashyaka atavuga rumwe na FPR Inkotanyi;

Ni ngombwa ko abanyarwanda badakomeza kuba ba Bwoba, Ntibindeba ahubwo bagashishikazwa no kurengera igihugu cyabo n'uburenganzira bwabo busesuye.

Ibi byakorwa gute rero:

1. Gushyigikira birushijeho no gushingana Madamu Ingabire Victoire, Me Ntaganda Bernard, n'izindi mpirimbanyi za demokarasi ziri mu Rwanda mu buryo butaziguye;

2. Gushira ubwoba no gutinyuka gushyigikira ku mugaragaro amashyaka arwanya ubutegetsi buriho mu Rwanda no kwanga gukomeza kogerwaho uburimiro n'abambari b'ingoma mpotozi;

3. Abaharanira ko uburyo igihugu kiyobowe bwahinduka neza mu buryo buboneye abanyarwanda bose bakore ibikorwa bateganyije batagombye gutegereza ibikorwa bigayitse bya FPR, mu gihe ibi byaba bibaye, bo bakabyamagana bivuye inyuma;

4. Abarwanya ingoma mpotozi ya FPR bakurikiza umurongo wa politiki ushyira imbere inyungu za rubanda bakwiye kwikusanya bidatinze bagahuza ingufu zabo;

5. Kwiga uburyo abakeka ko baremewe gutegeka mu Rwanda batitaye ku nyungu za rubanda bataba imbogamizi mu kubahiriza inyungu z'abanyarwanda bose muri rusange, ahubwo bakumva ko uburenganzira bafite mu gihugu babunganya
n'abandi banyarwanda;

6. Kuzirikana ko impinduka mu Rwanda ishoboka ari uko abanyarwanda ubwabo babishatse kandi bakabikora, inkunga y'abanyamahanga ikaba gusa yaza ibunganira kuko “Akimuhana kaza imvura ihise”.

Bikozwe ku ya 24 Gicurasi 2020 na:
Maniragena Valensi na Nzeyimana Ambrozi.

par Antoine Dusabeyezu.

Uko mbona amagambo ya Thomas NAHIMANA
yavuze akingira ikibaba icyihebe cy'inkotanyi Théogène RUTAYOMBA
mu mvugo ye igira iti : 80/100 by'abahutu bishe abatutsi !

Mu kiganiro cye n'abanyamakuru bo kuri radio IKONDERA : Icyihebe cy'inkotanyi Théogène Rutayomba aremera ko ariwe wapakiye ibikoresho byahanuye indege yari itwaye Président HABYARIMANA, agakomeza yemeza we n'ibindi byihebe bari kumwe ku Murindi ko guhanurwa kw'indege bitari ibanga ! Akemeza ko hari urubyiruko rw'abanyarwanda rwasangaga inkotanyi ku Murindi. Akemeza ko mu nzego zose z'igihugu bari bafitemo ibyitso birimo umu ex-Far Gatsinzi n'abandi benshi. Akemeza kandi ko abahutu benshi bishwe.

Icyo cy'ihebe cy'inkotanyi RUTAYOMBA Théogène kiriyemerera ibintu bikomeye ari nabyo shingiro cyangwa isoko ry'iyicwa ry'abahutu mu karere k'ibiyaga bigali by'umwihariko mu Rwanda kuva muwi 1994 kugeza n'ubu:

· GUTEGURA UBWICANYI ABIZI NEZA (réf : chargement matériels d'attentant contre l'avion présidentiel) ;

· GUSHISHIKARIZA ABANA B'ABANYARWANDA KUJYA MU MUGAMBI W'INKOTANYI (recrutements des enfants)

· KURESHYA ABAYOBOKE B'INKOTANYI MU NZEGO ZOSE Z'IGIHUGU, iza gisivili n'iza gisirikari (infiltrations dans l'administration civile et militaire).

Thomas NAHIMANA njyewe nari muziho kuba azi gusesengura ibintu ukaba wasanga ubusesenguzi bwe ari nta makemwa. Ariko ubu nsigaye mbona ashobora kuba afite impamvu igamije inyungu ze bwite, maze agahitamo gutera abantu urujijo nyamara ntiyibuke ko mw'icengezamatwara ya FPR-Inkotanyi, ariya magambo ya RUTAYOMBA amushyira mu rwego rw'agatsiko k'abatutsi bashaka ko umuhutu wese aho ari hose, mu rungano rwe urwo arirwo rwose yewe n'uruhinja rw'umuhutu bagomba kwitwa ABAJENOSIDERI !

Thomas NAHIMANA asuzugura nkana imvugo y'icyihebe RUTAYOMBA igira iti : 80/100 by'abahutu bishe abatutsi. Agakomeza ajya kure cyane agira ati : Théogène RUTAYOMBA afite uburenganzira bwo gukoresha iriya mvugo !
NAHIMANA arirengagiza ko umuntu wese ugerageza kuvuga by'ukuri ku bwicanyi inkotanyi zakoze muri iyo jenoside ndetse na nyuma yaho, zimwita umuntu upfobya genoside, agahigwa byabashobokera bakamwica.
Urugero rutari kure ni urw'umuhanzi KIZITO MIHIGO wishwe n'inkotanyi azira imvugo ye yo mu ndirimo IGISOBANURO CY'URUPFU aho yagize ati : Ndasabira n'abandi bavandimwe bishwe bazira kwihorera, kandi ubwo bwicanyi bwo BUKABA BUTARISWE JENOSIDE !

Ndemeza ntashidikanya ko Thomas NAHIMANA, atayobewe uburemere bw'amagambo ya RUTAYOMBA. Nkaba nibaza n'amatsiko menshi niba nawe ariwo murongo ubu yahisemo gukoreramo mw'ibanga ry'umutima we.
Ndabyibaza cyane dore ko kuri iriya mvugo ya RUTAYOMBA hari aho Thomas agira ati : Ari njye sinabivuga ntyo /cyangwa kuriya ! Aka gateruro kumvikana gate ? Ku bwanjye, Thomas yemeranya na RUTAYOMBA kuri iriya mvugo, ariko kugirango atavumburwa n'abo ireba, akumvikanisha ko afite ukundi yabivuga atashatse gutangaza ako kanya.

Ndamenyesha Thomas NAHIMANA ko ari mu mvugo nk'izo abanyarwanda benshi tumenyera icyerekezo cy'ibikorwa by'umuntu cyane mu bya politiki. Niba atumvise neza icyo mubwiye, acyibuke yifashishije uko abanyarwanda bamenye kare icyerekezo cy'uwavuze ati N'IYO BYUMBA YAFATWA...

Umwanzuro :
Thomas NAHIMANA wiyita izina rya publicité ry'umutaripfana, nagire akanyabugabo abwize ukuri abamuzi kandi bakimwumva amazi atararenga inkombe :
- Byakumvikana bite ko Thomas NAHIMANA yasezera kuba umusaserdoti wa Kiliziya Gatolika agiye gutera urujijo mu bwicanyi ndengakamere buzwi inkotanyi zakoreye abahutu ?
- Byakumvikana bite ko ashinga ishyaka, akarijyana mu Rwanda rikagarukira mu nzira ku mpamvu ngo z'uko abuze ibya ngombwa nyamara Mme Victoire UMUHOZA yaragiye akagerayo. Aho ntibyaba byari ikinamico ?
- Byakumvikana bite ko ashyiraho icyo yise gouvernement y'u Rwanda ikorera mu buhungiro, agakora ingendo ubwe yivugira, abisikana n'abicanyi b'inkotanyi nka Théogène RUTAYOMBA, ziza kutwicira mu bihugu byaduhaye ubuhungiro, none uyoboye iyo gouvernement akaba yigaragaje nk'umuterankunga wazo muri idéologie de diabolisation des hutu ?

Thomas Nahimana ushingira ku bucuti bwihariye afitanye n'icyihebe cy'inkotanyi Théogène RUTAYOMBA, akiyemeza kugikarabya, nareke gushinyagurira abanyarwanda twagwiriwe n'inshyano ry'ubwicanyi bw'inkotanyi zikomeje gukorera inyoko-muntu w'umuhutu kuva m'uwi 1990 kugeza amagingo aya.

Aha abyumve neza : Simubuza ubucuti afitanye n'inkoramaraso yihitiyemo. Ndamusaba gusa guhagarika amagambo y'icengezamatwara agamije kwica urubozo abahutu no kubashinyagurira.

Antoine DUSABEYEZU/France.
18/05/2020.

by Zena Mukabuduwe.

Komanteri ya Zena Mukabuduwe
nyuma y'aho Padiri Nahimana yamaganiwe
kuba yarigize umukarabya w'Inkotanyi nkoramaraso Rutayomba.

Aliko abanyarwanda turaruhije.
Padiri Thomas Nahimana ikosa yakoze ni irihe?
Kuko yashimye cg yavuze ko umututsi(1) Rutayomba yamukijije akamukiza abicanyi cg ko nawe ubwe atamwishe, nibyo bigiye kumuviramo inkomoko y'icyaha(2) koko?
Muri biriya bihe cg muri iriya myaka, uwakize urupfu rw'abihoreraga ajye ashimira imana n'uwamukijije
Ndashaka kuvuga ko ubonye uburyo washimira uwagize neza si bibi. Ahubwo se abatutsi bangahe bashimiye abahutu ko babakijije abicanyi b'interahamwe?
Ninde mututsi kugeza ubu uravugira abahutu bafunze ati runaka w'umuhutu iyo ntamugira simba ngihumeka umwuka w'abazima?
None kuko Nahimana yibutse uwatumye agihumeka yahagurukije imbaga ngo yaciye inka amabere! Ngo yavuze ibitavugwa, ngo yarengeye umwicanyi!
Ahubwo nimuhagurukire abatutsi badashimira ku mugaragaro abahutu babakijije urya munsi.
Yoooo, utibuka uwamugiriye neza ni igicucu cg umusazi.
Mwebwe murivugira utarahuye n'uwo munsi cg irya saha azabaze uwahuye nabyo.
Ijoro ribara uwariraye.

Nimureke Padiri Nahimana mushake ibindi muvuga cg mukora; yavuze uko abyumva(3).

Abanyarwanda mujye mwibuka gushima uwagize neza.

Muzi ko hari abahutu bategereje abatutsi bazabashimira(4) ku mugaragaro bakaba barahebye?
None se nta bahutu bahishe abatutsi? None abakiriho bahishwe na bande?
Ko batavuga bategereje iki?

Zena Mukabuduwe,
14/05/2020.

N.D.L.R.
(1) Nta na hamwe Ijwi Rya Rubanda ryigeze ryamagana Rutayomba kubera ko ari Umututsi.
Tumwamagana kubera ko ari Inkotanyi nkoramaraso, yagize uruhare rukomeye cyane muri jenoside yakorewe abahutu, akaba n'aho ari ubu agishishikariye gushimangira iyo jenoside yangisha isi yose abahutu iyo bava bakagera, cyane cyane urubyiruko rw'abatutsi Inkotanyi zikomeje gufata bugwate no gupakiramo urwango rw'abahutu.

(2) Nta na hamwe Ijwi Rya Rubanda ryigeze ryamagana Padiri Nahimana kuba yashima uwaba yaramukijije.
Padiri Nahimana yatunguye kandi yakomerekeje benshi afata initiative yo kujya ku mbuga nkoranyambaga agatangaza ko Inkotanyi Rutayomba "ifite uburenganzira bwo kuvuga amagambo rutwitsi ashishikariza bose kwanga abahutu muri rusange ngo ni abicanyi.
Umuntu wese utekereza yumva ko kuba iyo nkotanyi hari abo yasoneye ntibice bitayiha uburenganzira bwo kubiba urwango mu moko no kugereka icyaha ku bwoko. Byagombye kwumvikana kuri buri wese utari inkomamashyi ko abashaka kwubaka u Rwanda batagereka ubwicanyi bw'Inkotanyi ku batutsi muri rusange nk'uko batagomba kugereka ubwicanyi bw'interahamwe ku bahutu muri rusange.

(3) Ijwi Rya Rubanda ryavuganye n'umwanditsi Zena w'iyi komanteri, biza kugaragara ko atari anazi aho ukwamagana Padiri Nahimana kwaturutse. Nta n'ubwo yari azi ikibazo cyari cyabajijwe Padiri Nahimana. Kubazwa ngo "utekereza iki ku mvugo rutwitsi y'Inkotanyi Rutayomba" bitandukanye no kubaza ngo "utekereza iki ku nkotanyi Rutayomba".

(4) Byagaragaye ko uyu mudamu Zena wanditse iyi komanteri, n'ubwo yasimbukiye ku mbuga nk'aho azanwe no gushima umukarabya Padiri Nahimana, yari yiboneye occasion yo kuvuga agahinda we n'abandi benshi bamaranye igihe ku mutima: kwibutsa abatutsi ko abahutu benshi bagitegereje ko abatutsi bagira umutima wo kubashimira ku mugaragaro kubera ko babakijije mu bihe bikomeye nka biriya byo muri 1994.
Twizere ko bazamwumva.