Simeon — Page 121

Uko Minani Yohani Mariya Vianney abona komanteri zakozwe ku nyandiko ye

October 18, 2012 By Simeon Leave a Comment

Mwabonye igihe cyo gusoma 'Ibaruwa ya mbere Bwana Minani Yohani Mariya Vianney yandikiye abanyarwanda bose' no kwumva kuri Radiyo Bwana Minani asobanura impamvu yanditse iyo nyandiko n'ibitekerezo biyikubiyemo. Nyuma y'aho se, byagenze bite?

Tega amatwi:
Igice cya 2 cy'ikiganiro Radiyo Ijwi Rya Rubanda yagiranye na Bwana Minani JMV. Aravuga kuri za komanteri zatanzwe ku mbuga ku baruwa ye ya mbere ku banyarwanda.

Ese ko Bwana Minani JMV yandikiye abanyarwanda bose, abasomye iyo baruwa ye ya mbere bayivuzeho iki? Hari abasesenguye inyandiko ye se? Cyangwa bahagurukiye kunegura cyangwa kwamagana nyiri ugutanga ubutumwa aho kureba ibikubiye mu butumwa yabagejejeho?
Komanteri zatanzwe kugeza ubu kuri iyo baruwa ya Minani se zerekana iki kuri maturite y'abanyarwanda bayisomye cyangwa bagize icyo bayivugaho? Izo komanteri zerekana iki ku mitekerereze,ugushishoza n'ugukunda igihugu kw'abanyarwanda bivuruguta mu bibazo muri iki gihe?

Ibaruwa ya mbere Bwana Minani Yohani Mariya Vianney yandikiye abanyarwanda

October 18, 2012 By Simeon Leave a Comment

Tega amatwi:
Ikiganiro Radiyo Ijwi Rya Rubanda yagiranye na Bwana Minani Yohani Mariya Vianney asobanura iby'ibaruwa ye ya mbere yandikiye abanyarwanda - Igice cya 1.

Ku tariki ya 13 Ukwakira 2012, unugabo witwa Minani Yohani Mariya Vianney yatangaje inyandiko yise 'Ibaruwa ya mbere ku Banyarwanda bose', yasohotse ku mbuga yitwa: JMV Minani ati: “Amakosa n’ibyaha by’Agatsiko ntibigomba kugerekwa ku banyarwanda twese”.

Radiyo Ijwi Rya Rubanda yagiranye na Bwana Minani JMV, imubaza kudusobanurira kuri iyo nyandiko ye: ibikubiyemo, impamvu yayanditse, icyo ateze ku banyarwanda yayandikiye n'ibindi.

Atangira iyo baruwa agira ati:

Banyarwandakazi, Banyarwanda nkunda,
Nitwa Jean Marie Vianney MINANI, ndi umuvukagihugu w’u Rwanda ubu nkaba narahungiye mu gihugu cy’Ubudage bitewe n’ubutegetsi buriho ubu mu Rwanda rwacu.

Maze iminsi nifuza kugira icyo mbwira abanyarwanda, nkagisha umutima inama inzira nakoresha ngo mbagereho tujye inama. Bumwe mu buryo nagakoresheje kimwe n’izindi mpunzi muri rusange ziri hanze y’urwatubyaye mu buzima buzigoye bwakabaye gutahuka nkava muri ubu buhungiro nashyizwemo ntabishaka na Leta yabikoze ibizi kandi ibishaka.

Inyandiko yose ushobora kuyisoma kuri: JMV Minani ati: “Amakosa n’ibyaha by’Agatsiko ntibigomba kugerekwa ku banyarwanda twese”

Gahunda yo gushyigikira Intwari Madamu Victoire Ingabire

October 16, 2012 By Simeon Leave a Comment

Twegerane. Ni igihe cyo kwongera guhurira hamwe, tugashyigikira Intwari Madamu Victoire Ingabire Umuhoza, Umuyobozi w'Ishyaka FDU-Inkingi.

Tega amatwi:
Bwana Joseph Bukeye arasobanura gahunda yo gushyigikira Intwari Madamu Victoire Ingabire.

Tuributsa ko kuri uyu wa gatanu tariki ya 19/10 aribwo Urukiko rw'Ikirenga ruteganya gusoma urubanza Madamu Ingabire yaregeye asaba ko amategeko adakurikiza itegeko nshinga ry'u Rwanda yaseswa.

Kuri uwo munsi rero, kuwa gatanu rero tariki ya 19/10, hazaba sit-in i Buruseli imbere ya Ambasade y'u Rwanda kuva saa yine, naho bukeye bwaho kuwa gatandatu tariki ya 20/10 habe kandi urugendo rwo gushyigikira Madamu Victoire Ingabire ruzatangirira kuri Rond-Point Montgomery kuva saa saba rugasorezwa imbere ya Ambasade y'u Rwanda.

Radiyo Ijwi Rya Rubanda irasobanuza umucikacumu Ngoragoze ku tsembabwoko yiboneye

October 11, 2012 By Simeon Leave a Comment

Umucikacumu Ngoragoze aratanga ubuhamya ku byo yiboneye we ubwe mu gihe Inkotanyi zatsembatsembaga abahutu muri Gisenyi.

Mu kiganiro Bwana Fransisko Ngoragoze yagiranye na Radiyo Ijwi Rya Rubanda, yadusobanuriye ibyo yiboneye ubwe mu Rwanda kuva mu mwaka w'1994 Inkotanyi zikimara gufata ubutegetsi. Yasobanuye ukuntu Inkotanyi zatsembatsembye impunzi zari zimaze gusenyerwa inkambi yazo muri Nyacyonga, asobanura uburyo Inkotanyi zakomeje ubwicanyi ndengakamere iwabo muri Kibirira ndetse no mu bindi bice bya Prefegitura ya Gisenyi nko muri Kanama na Rubavu.

Tega amatwi:
Radiyo Ijwi Rya Rubanda irasobanuza umucikacumu Ngoragoze ku buhamya yatanze burebana n'itsembabwoko rya FPR Inkotanyi muri Gisenyi.

Radiyo Ijwi Rya Rubanda yamubajije kuri ubwo buhamya bwe, maze nawe arushaho gusobanura ukuntu yabibonye, haba muri Ngororero Inkotanyi zikimara gufata ubutegetsi, haba no ku Gisenyi aho yari afungiwe hamwe n'abantu benshi bo batabashije kurokoka itsembabwoko rya FPR Inkotanyi.