Kuri uyu wa kabiri tariki ya 07/02/2017, guhera saa 18h00 isaha y'i London, ni ukuvuga saa 20h00 isaha y'i Kigali, Radio Ijwi Rya Rubanda izagira Urubuga Rwa Twese EN DIRECT, aho abashaka gutanga ibitekerezo byabo bazahabwa ubwisanzure bwo kubitanga.

Umutumirwa:
Umutumirwa w'imena mu kiganiro-mpaka ni Umunyamakuru Bwana THARCISSE SEMANA. Ntiyashoboye kuboneka ubushize ariko noneho azaba ahari nta kabuza.

Ibizaganirwaho:
Tuzaganira ku nsanganyamatsiko Bwana Tharcisse Semana yise: PADIRI THOMAS NAHIMANA MU NDORERWAMO YA LETA YA OPOZISIYO MU BUHUNGIRO, duhereye ku byavuzwe kuri iyo theme mu kiganiro yagiranye na Madamu Saidati Mukakibibi hamwe na Jean Damascene Munyampeta akagitangaza kuri YouTube kuri 31/01/2017, ndetse no kuri za komanteri zatanzwe ku mbuga nkoranyambaga zigaya imikorere y'abo banyamakuru bombi.

Nk'uko bisanzwe, abifuza gutanga ibitekerezo byabo bazahamagare muri studio ya Radio Ijwi Rya Rubanda bakoresheje Skype (ijwiryarubanda) cyangwa Telefoni (+4420813344417 cyangwa +13303034200).
Abashaka gukurikira ikiganiro en direct bazakoresha ubu buryo butatu:
1) Kujya kuri ijwiryarubanda.com
2) Kujya kuri mixlr.com/ijwi-rya-rubanda
3) Gushyira Mixlr app muri telefoni yabo, bagashaka 'ijwi-rya-rubanda'.

Muratumiwe mwese abafite inyota yo kwungurana ibitekerezo ku nzira zikwiye kunyurwamo kugira ngo u Rwanda rugere ku mpinduka Abanyarwanda dukeneye.

Ijwi Rya Rubanda.

Kuri uyu wa gatandatu tariki ya 04/02/2017, guhera saa 18h00 isaha y'i London, ni ukuvuga saa 20h00 isaha y'i Kigali, Radio Ijwi Rya Rubanda izagira Urubuga Rwa Twese EN DIRECT, aho abashaka gutanga ibitekerezo byabo bazahabwa ubwisanzure bwo kubitanga.

Abatumirwa bacu b'imena mu kiganiro-mpaka ni abanyamakuru Bwana THARCISSE SEMANA na Madamu SAIDATI MUKAKIBIBI.

Ibizaganirwaho:
Tuzaganira ku nsanganyamatsiko Bwana Tharcisse Semana yise: PADIRI THOMAS NAHIMANA MU NDORERWAMO YA LETA YA OPOZISIYO MU BUHUNGIRO, duhereye ku byavuzwe kuri iyo theme mu kiganiro yagiranye na Madamu Saidati Mukakibibi hamwe na Jean Damascene Munyampeta akagitangaza kuri YouTube kuri 31/01/2017.

Nk'uko bisanzwe, abifuza gutanga ibitekerezo byabo bazahamagare muri studio ya Radio Ijwi Rya Rubanda bakoresheje Skype cyangwa Telefoni.

Muratumiwe mwese abafite inyota yo kwungurana ibitekerezo ku nzira zikwiye kunyurwamo kugira ngo u Rwanda rugere ku mpinduka Abanyarwanda bakeneye.

Kuri uyu mugoroba, guhera saa 18h00 isaha y'i London, ni ukuvuga saa 20h00 isaha y'i Kigali, Bwana Edmond Munyangaju aratugezaho ibitekerezo bye ku birebana na opozisiyo nyarwanda no kuri 'dynamique' yaturutse mu byemezo bya politiki byafashwe kandi bigifatwa n'ishyaka Ishema ry'u Rwanda riyobowe na Padiri Thomas Nahimana.

Abafite komanteri cyangwa ibibazo ku sesengura atugezaho bashobora kujya bazinyoherereza kuri adresi email ijwiryarubanda@ijwiryarubanda.com cyangwa kuri whatsapp Nr +447954586396.

Muryoherwe kandi Imana ibahe ingabire yo gushaka kugira uruhare rugaragara mu guharanira amahinduka mwifuza.

Ijwi Rya Rubanda.

 

Inkotanyi zandika Inyenyerinews zikwiye kwikubita agashyi

Buri mwuga wose ugira deontologie. Ibyo kubibwira inkotanyi zandika ku Inyenyerinews bisa nk'aho ntacyo bizibwiye kuko byamaze kugaragara ko imikorere ya gikotanyi iruhije kuzivamo.
Ku tariki ya 30/01/2017, inkotanyi zandika Inyenyerinews zashyize ku rubuga rwazo inyandiko yitwa: "Ijwi Rya Rubanda rirasaba Padiri Thomas Nahimana kureka kudutobera", zibyandikaho nk'aho ari inkuru njye Simeon nabahaye kugira ngo bayitangaze kandi ari inkuru zateruye ku rubuga rw'Ijwi Rya Rubanda (ijwiryarubanda.com). Ibyo byongeye kwerekana bwa bushuma n'ijijisha biranga izo nkotanyi, n'iyo ziyambitse uruhu rw'abanyamakuru.
Izo nkotanyi zitagira urusoni ntiziyobewe ko iyo umuntu wese (nkantswe umunyamakuru) ashaka kugira icyo avuga cyangwa yandika ku nkuru yatangajwe ahandi agomba kuvuga aho yayikuye, kandi ko deontologie itemera ibyo gupfa guterura gusa inkuru y'undi ukanaga ku rubuga rwawe nk'aho ari inkuru wataye wowe ubwawe cyangwa wahawe na nyiri ukuyandika.
Ndagira rero ngo nsabe abasomyi b'Inyenyerinews gutoza inkotanyi zandika urwo rubuga kujya bubahiriza imigenzereze myiza igenga itangazamakuru, zikagerageza kureka ibyo gukora gikotanyi ngo ntacyo bizitwaye.
Ndasaba kandi inkotanyi zandika Inyenyerinews kuvana iriya nkuru yanjye ku rubuga rwazo, zashaka zigakora ku rubuga rwazo komanteri zifuza ku nkuru natangaje zitanga reference y'aho nayitangarije.
Inyandiko nigeze gusaba izo nkotanyi gutangaza muri Nzeri 93 ntizigeze ziyitangaza kandi yari droit de reponse (right of reply) yerekanaga ubutiriganya n'uburimanganye bw'inkotanyi Marara n'abo bakorana muri Inyenyerinews.
Sinshaka rero ko hagira abahera kubyo izi nkotanyi zatangaje bakabifata nk'aho njye nandika inkuru nkazoherereza Inyenyerinews ngo izitangaze nk'aho ndi umucorrespondant wayo.
Simeon.
Ijwi Rya Rubanda.