Ijwi Rya Rubanda

Ese abavuga ko Nyamwasa yari akwiriye kubanza kujya imbere y’ubutabera aho guhatanira kwishyira imbere mu mashyaka ya politiki, bari mu kuri cyangwa bararengera?

Ese iyo Padiri Thomas Nahimana ucunga urubuga LeProphete.fr areka ku rubuga rwe hagatambuka inyandiko zivuga abandi ndetse akemera ko n’ibitutsi bihandikwa, aba ari mu kuri cyangwa aba ateshutswe ku nshingano z’umunyamakuru?

Aho ibyanditsweho n’ibyavuzwe mu ninsi ishize kuri RNC na FDU-Inkingi, kuri ba Nyamwasa, Rudasingwa na Nkiko, ntibyaba byerekana ko Padiri Thomas Nahimana yaba avanga amasaka n’amasakaramentu?

Umwe mu banyarwanda ukunze gukurikira ibiganiro bya Radiyo Ijwi Rya Rubanda yadusabye urubuga rwo kugira ngo atange ibitekerezo bye ku buryo yakiriye ibiganiro byatanzwe na bariya bapadiri bombi Fortunatus Rudakemwa na Thomas Nahimana bashinze LeProphete.fr.

Ikiganiro twagiranye kirajyaho uyu munsi saa 20:00 isaha y’i London, ni ukuvuga saa 21:00 isaha y’i Kigali.

Icyo kiganiro nikirangira harahita hajyaho ikiganiro-mpaka en direct hagati y’abatumirwa babiri: nyiri ugutanga ikiganiro Bwana Justin Bahunga na Padiri Thomas we ubwe.

Radiyo Ijwi Rya Rubanda irabaha bombi urubuga rwo gusubizanya ku ngingo ziraba zashyizwe imbere mu kiganiro.

Ndetse nibarangiza iyo nyabanyabitekerezo, abumva Radio Ijwi Rya Rubanda barahabwa umwanya wo guterefona muri studio batubwira en direct icyo babitekerezaho.